Óskar Elías Sigurðsson, uppstoppari:

Frumsýnir geirfugl sem hann bjó til

16.Nóvember'19 | 12:05
geirfugl_oskar_elias_ads

Geirfuglinn. Ljósmynd/aðsend

„Ég “smíðaði” þennan geirfugl úr mörgum öðrum fuglhömum.” segir Óskar Elías Sigurðsson, uppstoppari sem sýnir fuglinn á morgun við opnun Náttúrugripasafnsins. „Afsteypa af goggnum var af orginal geirfugli sem erlendur uppstoppara-vinur minn gaf mér.”

Óskar segir að málin hafi verið af “skásta” uppstoppaða geirfuglinum sem hann hafi fundið á netinu. „Þá í raun stækkaði ég upp myndina í hlutföll sem goggurinn er í og setti hann í þau hlutföll sem mér fannst rétt, því á þessum tíma sem þessir geirfuglar voru stoppaðir upp var uppstoppun á fuglum í raun að byrja.”

Fimm ára verkefni

„Ég byrjaði að smíða fuglinn 2014/15 til 2019. Eggið var búið til fyrir mig í Bretlandi af einum færasta einstaklingnum í að búa til egg.” segir Óskar Elías. Aðspurður um hvernig honum hafi dottið þetta í hug segir hann „Ástæðan fyrir þessari smíði var bara útaf ég er nörd og þetta er hægt.”

Hann segir að Kristján Egilsson, fyrrum safnstjóri hafi beðið sig um að lána fuglinn á opnun safnsins, en rétt er að geta þess að hann verður bara til sýnis á morgun, sunnudag.

Síðustu tveir fuglarnir voru veiddir í Eldey árið 1844

Á Vísindavefnum segir um geirfuglinn að geirfuglinn hafi verið ákaflega algengur á Norður-Atlantshafi fyrr á öldum, meðal annars undan ströndum Íslands, Færeyja og Grænlands, á nyrstu eyjum Bretlandseyja og við Noreg og Kanada. Talið er að geirfuglar hafi verið margar milljónir áður en menn fóru að veiða þá í stórum stíl, en ekki er þó alveg ljóst hve stór stofninn var hér við land.

Upp úr 1800 fór heldur betur að halla undan fæti hjá geirfuglinum sökum ofveiði. Aðallega voru það sjómenn sem veiddu hann á löngum veiðiferðum sínum á þessum slóðum enda var geirfuglinn stór og kjötmikill og auðveldur viðureignar enda ófleygur. Geirfuglinn var einnig veiddur vegna fjaðranna sem voru notaðar í fatnað.

Ofveiði er sem fyrr segir meginástæða þess að geirfuglinn dó út en síðustu tveir fuglarnir voru veiddir í Eldey í byrjun júní 1844. 


 

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.