Íris Róbertsdóttir skrifar:

Bjartar vonir vakna

12.Nóvember'19 | 16:58
disa_innan_hafnar

Dæluskipið Dísa í Landeyjahöfn. Ljósmynd/TMS

Það voru sannarlega gleðitíðindi að Vegagerðin skrifaði í morgun undir nýjan samning við Björgun um dýpkun Landaeyjahafnar. Ef gamli samningurinn hefði gilt óbreyttur hefði dýpkun verið hætt núna í vikulokin og ekki verið tekin upp aftur fyrr en í byrjun mars.

Samkvæmt viðbótarsamningnum verður dýpkun haldið áfram óslitið út janúar og dýpkunarskipið, og áhöfn, staðsett hér í Vestmannaeyjum. Í mars tekur síðan við gamli samningurinn aftur, þó með einni mjög veigamikilli breytingu: Í vordýpkunina verður leitast við að fá aðila með öflugri og afkastameiri tækjakost en Björgun hefur yfir að ráða. Það má því gera ráð fyrir að það tæki miklu skemmri tíma að opna höfnina aftur, komi til þess að hún lokist vegna sandburðar.

Þetta er auðvitað hrein bylting miðað við það ástand sem ríkt hefur í dýpkunarmálunum, og algjörlega í samræmi við þau sjónarmið sem við hjá Vestmannaeyjabæ höfum haldið fast að Vegagerðinni á ótal fundum og samtölum síðustu misserin. Ég vil sérstaklega þakka Vegagerðinni og vegamálastjóra fyrir samvinnuna og þann skilning sem þessir aðilar hafa nú sýnt óskum og þörfum okkar Eyjamanna.

Við vitum það hér í Eyjum að það getur brugðið til beggja vona með samgöngur í verstu vetrarveðrum, en við getum þó með góðri samvisku sagt núna að allir sem að málinu koma eru að gera sitt besta. Takk fyrir það!

 

Íris Róbertsdóttir

Bæjarstjóri

 

Þessu tengt: Vegagerðin bætir verulega í dýpkunarframkvæmdir í Landeyjahöfn

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%