Safnahelgi – menningarveisla næstu tvær helgar

7.Nóvember'19 | 11:53
eyjar_kvold_gig

Það verður margt á döfunni í Eyjum næstu tvær helgarnar. Ljósmynd/Gunnar Ingi

Það var árið 2004 sem Kristín Jóhannsdóttir, þá menningar- og ferðamálafulltrúi Vestmannaeyja blés til fyrstu Safnanæturinnar í Vestmannaeyjum. Hugmynd sem hún tók með sér frá Þýskalandi og  hefur verið árviss viðburður síðan. 

Sannkölluð menningarveisla fyrstu helgina í nóvember. Fljótlega varð þetta að Safnahelgi og nú dugar ekki minna en tvær helgar. Hefst hún í dag og verður hátíðin sett kl. 18.00 við Stafkirkjuna.

Í samráði við afmælisnefndina

Dagskráin í ár er unnin í samráði við 100 ára afmælisnefnd Vestmannaeyja og er því umfangsmeiri en verið hefur. Þessa helgi stendur hún fram á sunnudag. Um næstu helgi er byrjað á föstudaginn 15. nóvember og síðasti dagskrárliðurinn er sunnudaginn 17. nóvember.

Eins og áður er Safnahelgin mikil menningarveisla í tónum, tali og myndlist og fróðlegum erindum. Fólk er hvatt til að kynna sér dagskrána sem er að finna á öllum vefmiðlum í Vestmannaeyjum og heimasíðum Vestmannaeyjabæjar og Safnahúss.

Sjá einnig: Fjölbreytt dagskrá Safnahelgar

Menningar- og listvinafélagið þjófstartar

Segja má að Menningar- og listvinafélagið þjófstarti með opnun á sýningu í Einarsstofu í Safnahúsi kl. 17:00 í dag. Er þetta samsýning í anda Júlíönu Sveinsdóttur sem var ein merkasta listakona Vestmannaeyja og landsins alls á fyrri hluta 20. aldar. Félagið verður með opið hús að Strandvegi 50 (Hvíta húsinu) helgina 9.-10. nóv. kl. 16:00 til 18:00.

Sjálf setningin verður að venju við Stafkirkjun þar sem séra Viðar Stefánsson verður með hugvekju og Guðný Tórshamar syngur nokkur lög við eigin undirleik.

Hátíðin heldur áfram á morgun, föstudag og sunnudag og líka um aðra helgi þar sem marg forvitnillegt verður í boði.

Framundan í kjölfar Safnahelgar

Fleiri viðburðir eru framundan í mánuðinu á vegum afmælisnefndar. Sunnudaginn  24. nóvember kl. 13:00 verður í Landakirkju sameiginleg messa allra söfnuða í Vestmannaeyjum.  Á eftir er kaffisamsæti í Safnaðarheimili. Landsþekktir söngvarar syngja í messunni og í kaffisamsætinu.

Seinna sama dag verður söngskemmtun og kaffisamsæti að Hraunbúðum í boði Vestmannaeyjabæjar.

Sunnudagur 1. desember kl. 20:00 í Eldheimum halda Katrín Halldóra og Pálmi Sigurhjartarson tónleika þar sem lög  sem Ellý Vilhjálms gerði fræg á síðust öld verða á dagskránni og fleiri lög.

Opnunartími safnanna um Safnahelgi: Sagnheimar, byggðasafn: Opið laugardaga og sunnudaga kl. 13-16. Ókeypis aðgangur. Eldheimar: Opið alla daga kl. 11-17. Sea Life Trust: Opið alla daga kl. 13-16.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).