Vilja fund með heilbrigðisráðherra og velferðarnefnd

6.Nóvember'19 | 07:05
sjukrav

Sjúkraflugferðir ársins til og frá Eyjum eru að nálgast 100. Ljósmynd/TMS

Á fundi bæjarráðs í gær var umræða um heilbrigðismál. Þar var áfram fjallað var um alvarlega stöðu bráðaviðbragðs sjúkraflugs í Vestmannaeyjum sem áður var rætt á fundi bæjarstórnar á fimmtudaginn var.

Sjá einnig: Öryggis­stig „ó­á­sættan­legt og ó­við­unandi“

Í fundargerð bæjarráðs segir að staðan sé alvarleg þar sem Vestmannaeyjar eru fjölmennasti þéttbýliskjarni á landinu þar sem ekki er möguleiki á sérhæfðu bráðaviðbragði sérþjálfaðra lækna og bráðatækna innan 45-60 mínútna.

Umfang öldrunarþjónustu er að aukast og bæta þarf við rýmum

Jafnframt var rekstur Hraunbúða tekinn fyrir á fundi bæjarráðs í gær, en ríkið ber ábyrgð á fjármögnun hjúkrunarrýma á stofnuninni. Áður hafði bæjarstjórn ályktað um málið og þar var eftirfarandi tillaga Sjálfstæðisflokksins samþykkt samhljóða:

„Umfang öldrunarþjónustu er að aukast og bæta þarf við rýmum, bæði sérhæfðum og dagdvalarrýmum. Framlög ríkisins duga ekki til að veita þá þjónustu sem á að veita, þrátt fyrir að gripið verði til ítrustu hagræðingaraðgerða. Bæjarfulltrúar Sjálfstæðisflokksins vilja biðja bæjarstjóra að óska eftir fundi við velferðarráðuneytið til þess að bæta úr þessu ástandi sem við búum við.”

Í niðurstöðu bæjarráðs segir að ráðið feli bæjarstjóra að óska eftir fundum bæjarráðs með heilbrigðisráðherra og velferðarnefnd um bráðaviðbragð sjúkraflugs og rekstur Hraunbúða og nauðsynlegra aðgerða krafist sbr. bókun bæjarstjórnar.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.