Segja vanta stefnumótandi ákvarðanir meirihlutans

- meðan þær liggja ekki fyrir er verið að kasta fjármunum útum gluggann, sem er afar vond meðferð á skattfé almennings, segir m.a í bókun minnihlutans

5.Nóvember'19 | 08:06
radhusid_0716

Til stendur að færa hluta af starfsemi bæjarskrifstofanna í gamla Ráðhúsið. Ljósmynd/TMS

Flutningur á félagsmiðstöð unglinga og endurnýjun á skrifstofuaðstöðu fjölskyldu- og fræðslusviðs var til umræðu á fundi bæjarstjórnar á fimmtudaginn var.

Á fundinum lögðu bæjarfulltrúar Sjálfstæðisflokksins fram bókun um málið.

Í bókuninni segir að með ráðstöfun fjármuna til endurbóta á húsnæði Rauðagerðis sé verið að byrja á öfugum enda. Eðlilegt er að fyrir liggi ákvörðun um framtíðarhúsnæði undir bæjarskrifstofur Vestmannaeyjabæjar, sem eru nú að hluta til með starfsemi í húsnæði Rauðagerðis. Þegar sú ákvörðun liggur fyrir er fyrst hægt að taka ákvörðun um veruleg fjárútlát varðandi endurbætur á því húsnæði, sem mögulega verður ekki notað í núverandi mynd í náinni framtíð. Það sama má segja um starfsemi félagsmiðstöðvar og Strandveg 50. Hér vantar stefnumótandi ákvarðanir hjá H- og E- lista. Meðan þær liggja ekki fyrir er verið að kasta fjármunum útum gluggann, sem er afar vond meðferð á skattfé almennings.

Sjá einnig: Vilja nýta Ráðhúsið og svæðið þar í grennd undir bæjarskrifstofur

Í kjölfarið bókuðu bæjarfulltrúar H- og E-lista, þar sem segir að meirihluti bæjarstjórnar taki undir með fjölskyldu- og tómastundaráði. Í þessum flutningi felast mikil tækifæri fyrir Féló til að efla starfið og bæta aðstöðuna. Mikilvægt er að gefa starfsmönnum, nemendaráðum og þeim krökkum sem nýta sér Féló tækifæri til að koma að skipulagningu og ákvörðunum um áherslur á nýjum stað.

Málið var samþykkt með fjórum atkvæðum H- og E-lista gegn þremur atkvæðum D-lista. Helga Kristín Kolbeins og Hildur Sólveig Sigurðardóttir gerðu grein fyrir atkvæði sínu.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.