Almenn gjaldskrá hækkar ekki á næsta ári

í A-hluta bæjarsjóðs fyrir næsta ár, þ.m.t. leikskólagjöld, gjaldskrá Íþróttamiðstöðvarinnar og sundlaugarinnar, matarkostnað fyrir börn í grunn- og leikskólum, dagvistargjöld og úttektargjöld

1.Nóvember'19 | 14:59
IMG_6650

Frá fundinum í gær. Ljósmynd/TMS

Á fundi bæjarstjórnar í gær var samþykkt tillaga sem kveður á um að hækka ekki almenna gjaldskrá bæjarins í A-hluta bæjarsjóðs fyrir næsta ár. Ekki var full samstaða um tillöguna og sat einn bæjarfulltrúi hjá og annar greiddi atkvæði gegn tillögunni.

Í tillögunni segir að alla jafna hafi gjaldskrá Vestmannaeyjabæjar fyrir þjónustu hækkað milli ára í samræmi við þróun vísitölu neysluverðs. Miðað við spá um verðlagsþróun ætti gjaldskráin að hækka um 3,2% á næsta ári. Í forsendum fjárhagsáætlunar fyrir 2020 kemur fram að taka þurfi sérstaka ákvörðun um hækkun.

Með því að hækka ekki gjaldskrána er Vestmannaeyingum auðveldað að nýta þá þjónustu sem bærinn hefur upp á að bjóða. Ákvörðun um slíkt væri jafnframt liður í að ná markmiðum lífskjarasamnings stjórnvalda og aðila vinnumarkaðarins, sem felur m.a. í sér lækkun skatta og gjalda hins opinbera. Í áskorun Sambands íslenskra sveitarfélaga er lagt til að hækka gjaldskrár ekki meira en 2,5%.

Minnihlutinn klofinn við afgreiðslu málsins

Bæjarstjórn leggur til að hækka ekki almenna gjaldskrá bæjarins í A-hluta bæjarsjóðs fyrir næsta ár, þ.m.t. leikskólagjöld, gjaldskrá Íþróttamiðstöðvarinnar og sundlaugarinnar, matarkostnað fyrir börn í grunn- og leikskólum, dagvistargjöld og úttektargjöld.

Tillagan var samþykkt með fimm atkvæðum gegn einu atkvæði Trausta Hjaltasonar og Hildur Sólveig Sigurðardóttir sat hjá.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.