Fræðsluráð:

Mikilvægt að styðja áfram við og styrkja stoðkerfi GRV

- starfshópurinn er sammála um að heilt yfir sé stoðkerfi mjög gott

26.Október'19 | 10:29
grv_nemendur_18_grv_is

Úr starfi skólans. Ljósmynd/GRV

Á síðasta fundi fræðsluráðs kynnti fræðslufulltrúi niðurstöðu starfshóps um stöðu stoðkerfis Grunnskólans í Vestmannaeyjum. 

Niðurstöður starfshópsins voru eftirfarandi:

Hópurinn fór yfir stoðkerfið eins og því er háttað í dag og er sammála um að heilt yfir sé það mjög gott. Gerð var eftirfarandi samantekt á stoðkerfinu:

o Sérfræðiþjónusta á vegum skólaskrifstofu:

 Sálfræðingur kom til starfa í janúar 2019 í 100% starf sem deilist með félagsþjónustunni.

 Kennsluráðgjafi er starfandi í 49% starfi.

 Ráðgjafarþroskaþjálfi er í 70% starfi sem deilist með leikskólum og málaflokki fatlaðra.

 Ráðgjafateymi á vegum skólaskrifstofu er starfandi.

 Aðgangur er að ráðgjöf félagsþjónustunnar og félagsráðgafar eru með viðveru í skólanum einu sinni í viku.

 Fjölskylduteymi er starfandi, sem er samstarfsverkefni félags- og fræðsluþjónustu, BUGL og heilsugæslunnar.

o Í skólanum:

 Nemendaverndarráð.

 Búið er að stofna lausnateymi.

 Starfshlutfall námsráðgjafa hefur verið aukið úr 80% í 100%.

 Skólahjúkrunarfræðingar.

 Námsver eru fyrir nemendur með námsörðugleika.

 Sérstök verkdeild fyrir nemendur með miklar sérþarfir er orðin að veruleika.

 Stöðugildi stuðningsfulltrúa eru 12 og stöðugildi þroskaþjálfa eru 1,5.

 Teymiskennsla er komin af stað á miðstigi undir handleiðslu Ingvars Sigurgeirssonar.

 23 kennslustundum er úthlutað til nýbúafræðslu.

Starfshópurinn er sammála um að þau úrræði sem samþykkt voru á 311. fundi fræðsluráðs þann 3. desember hafa gefist vel og styrkt stoðkerfi skólans enn frekar. Starfshópurinn leggur áherslu á að þær úrbætur, sem gerðar voru skv. tillögum hópsins, verði óbreyttar á næsta skólaári, þ.e.:

o Námsráðgjafi verði áfram í 100% starfshlutfalli. Skýr starfslýsing er tilbúin.

o Stutt verði áfram við teymiskennslu á miðstigi. Stöðugildum stuðningsfulltrúa hefur fækkað um 1 stg., þ.e. úr 13 í 12 og haldið verður áfram að meta það hvort þeim megi fækka enn frekar.

o Skólinn geti áfram sótt um viðbótarúthlutun vegna nemenda með miklar sérþarfir.

Eins og staðan er í dag eru Vestmannaeyjar töluvert á eftir öðrum sveitarfélögum varðandi tæknimál í skólum Hópurinn er sammála um að tryggja þurfi skólanum fjármagn til kaupa á spjaldtölvum, fyrir nemendur og kennara, svo hægt sé að stíga næstu skref í upplýsinga- og tæknimennt, m.a. til að auðvelda nemendum með námsörðugleika og sérþarfir námið. Í því ljósi er mikilvægt að skólinn geri áætlun um innleiðingu á spjaldtölvum fyrir kennara og nemendur og áhersla verði á upplýsinga- og tæknimennt í nýrri framtíðarsýn í skólastarfi, segir að endingu í niðurstöðu starfshópsins.

Ráðið telur mikilvægt að styðja áfram við og styrkja stoðkerfi GRV

Í niðurstöðu fræðsluráðs segir að ráðið feli framkvæmdastjóra sviðsins og fræðslufulltrúa að vinni úr tillögum í samvinnu við skólastjóra GRV. Ráðið leggur til að tillögur verði kostnaðarmetnar og niðurstöður úr því verði lagðar fyrir fræðsluráð á næsta fundi. Gera þarf ráð fyrir framlagi vegna tillagna við vinnu fjárhagsáætlunar. Ráðið telur mikilvægt að styðja áfram við og styrkja stoðkerfi GRV og metur niðurstöðu starfshóps um stöðu stoðkerfis mjög mikilvægan þátt í því.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-