Vestmannaeyjar í gegnum ljósopið mitt:

Jóna Heiða sýnir í Einarsstofu

á morgun, laugardag kl. 13.00

25.Október'19 | 06:28
Jona-Heida02

Ljósmyndir/Jóna Heiða Sigurlásdóttir

„Ljósmyndun er eitt af því sem ég nota í myndlistinni. Ég er að skrá það sem ég er að skoða og rannsaka úti í náttúrunni. Flóruna okkar, dýralífið og svo alla þessa heillandi náttúru sem umlykur okkur hér í Vestmannaeyjum,“ segir Jóna Heiða Sigurlásdóttir, myndlistarkona og kennari sem sýnir ljósmyndir sínar í Einarsstofu klukkan 13.00 á laugardaginn.

Þetta er sjöunda sýningin í sýningaröðinni, Vestmannaeyjar í gegnum ljósopið mitt. Um síðustu helgi leyfðu Pétur Steingrímsson og Guðmundur Gíslason gestum að kíkja í ljósmyndasafnið sitt í Einarsstofu. Tónninn var sá sami, Vestmannaeyjar og nú tekur Jóna Heiða við kyndlinum en hennar nálgun er önnur.

„Ég hef alltaf haft mikinn áhuga á vísindum og náttúrufræði og stefndi á nám í líffræðigreinum en fór svo í allt aðra átt,“ segir Jóna Heiða. „En það vísindalega er aldrei langt undan og er rauði þráðurinn í því sem ég er að gera. Annað hvort skáldað eða það sem er til í raunveruleikanum. Ég lærði filmuframköllun í Listaháskólanum sem hluta af náminu. Fyrstu myndirnar tók ég þegar ég fékk myndavél frá pabba og mömmu árið 2001. Það eru því 18 ár síðan ég byrjaði á þessu og nú safna ég myndavélum og tek myndir.“

Bæjarlistamaður 2010

Jóna Heiða var eitt ár í Myndlistarskóla Reykjavíkur í fornámi áður en hún hóf nám við Listaháskólann árið 2002.  Hún útskrifaðist með BA gráðu í myndlist 2005 og stundaði í kjölfarið nám við Universität der Künste í Berlín og tók síðar masterinn í listkennslu. Jóna Heiða var útnefnd Bæjarlistamaður Vestmannaeyja fyrir árið 2010. Sama ár var hún með sína fyrstu einkasýningu á Höfuðborgarsvæðinu þar sem hún sýndi myndverk og KÍMERA creation skartgripi sem hún hannar.

 „Auk þess að vinna í myndlistinni hef ég verið að kenna. Mest leikskólabörnum en nú er ég að kenna listgreinar í Framhaldsskólanum.“

Jóna Heiða ætlar að sýna sitt lítið af hverju af því sem hún hefur verið að gera. „Þetta eru myndir af því sem ég hef rambað á og vekur athygli mína. Þetta eru venjulegir hlutir sem maður leikur sér með að sjálfsögðu.“

Það verður fróðlegt og skemmtilegt að kíkja við í Einarsstofu á laugardaginn klukkan 13.00 og sjá það sem Jóna Heiða og Friðrik Björgvinsson ætla að bera á borð fyrir okkur.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.