Samgönguáætlun 2020–2024:

Gert er ráð fyrir að fjárveitingar lækki vegna minni dælingar

með tilkomu grunnristari ferju

17.Október'19 | 12:58
IMG_0386

Landeyjahöfn. Ljósmynd/TMS

Í tillögu til þingsályktunar um fimm ára samgönguáætlun fyrir árin 2020–2024, frá samgöngu- og sveitarstjórnarráðherra er tilgreint hvað gera skuli fyrir Landeyjahöfn.

Á áætlunartímabilinu er gert ráð fyrir endurbótun á Landeyjahöfn. Framlögunum er ætlað að standa undir kostnaði við rannsóknir, öryggismál og framkvæmdir sem eiga að auðvelda að halda nægu dýpi í höfninni.

Einnig er gert ráð fyrir viðhaldsdýpkun árlega auk landgræðslu. Í lok tímabilsins er gert ráð fyrir að malbika bílastæði og endurbyggja flóðvarnargarða. Miðað er við að viðhaldsdýpkun verði mest með dýpkunarskipum en yfir háveturinn verður hafnarmynnið dýpkað frá landi.

Helstu framkvæmdir eru að gera steypta akbraut út á ytri garðhausa, byggja tunnu á endum til að þrengja hafnarmynnið og stækka athafnarými ferjunnar í innri höfn. Gert er ráð fyrir að fjárveitingar lækki á seinni hluta tímabilsins vegna minni dælingar með komu grunnristari ferju sem kom sumarið 2019.

Gert er ráð fyrir áframhaldandi rannsóknum á að endurbæta Landeyjahöfn sem felst í að draga úr sandburði og ölduhæð. Botndælubúnaður í Landeyjahöfn. Gert er ráð fyrir að komið verði upp dælu og lögnum við hafnarmynnið til að dýpka yfir veturinn.

Hér að neðan má sjá hvað áætlað er í fjárfestingar á tímabilinu, en gert er ráð fyrir að á næsta ári verði settar 713 milljónir í Landeyjahöfn og því til viðbótar er gert ráð fyrir 144 milljónum í botndælubúnað í höfninni. Árin þar á eftir er gert ráð fyrir mun lægri upphæðum í þessa liði.

 Fjárfestingar:                
                 
 Verðlag fjárlaga 2020, fjárhæðir í millj. kr 2020 2021 2022 2023 2024   Samtals
                 
 Landeyjahöfn   713 538 377 334 328   2290
                 
 Botndælubúnaður við Landeyjahöfn   144 54 53 52 52   355
                 

Samgönguáætlunina 2020-2024 má sjá hér.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).