Hafa fjarlægt um 50 þúsund rúmmetra af sandi í haust

- dýpkunarframkvæmdir í Landeyjahöfn samkvæmt áætlun

15.Október'19 | 19:58
disan_jul2019

Frá því Björgun hóf dýpkun nú í september hafa um 50 þúsund rúmmetrar af efni verið fjarlægðir úr höfninni. Mynd/TMS

Haustdýpkun Landeyjahafnar hófst 16. september síðastliðinn. Björgun ehf. sér um dýpkunina og er áætlað að fjarlægja þurfi um 100.000 rúmmetra af efni úr höfninni á tímabilinu sem stendur til 15. nóvember.

„Frá því Björgun hóf dýpkun nú í september hafa um 50 þúsund rúmmetrar af efni verið fjarlægðir úr höfninni. Dýpið í höfninni er almennt gott en áhersla er lögð á að halda góðu dýpi í hafnarmynninu og hreinsa það þegar veður leyfi. Ef dýpi er nægjanlegt í hafnarmynninu er dýpkað innan hafnar í fyrirbyggjandi verkefnum," segir Fannar Gíslason forstöðumaður hafnardeildar Vegagerðarinnar.

Frá þessu er greint á vef Vegagerðarinnar. Þar segir jafnframt að veður hafi mikið að segja um hvort unnt sé að vinna við dýpkun í höfninni. Síðasta dýpkunartörn fór fram 9. til 13. október. Verktaki hefur þurft að fara frá svæðinu meðan lægðir ganga yfir og er nú í Þorlákshöfn vegna veðurs.

Sjá einnig: Ágætt dýpi þrátt fyrir brælu

Nýi Herjólfur siglir til Þorlákshafnar í dag þar sem ölduhæð er of há til að sigla inn í Landeyjahöfn. Hins vegar er ölduspáin hagstæð fyrir næstu sjö daga og því ætti Herjólfur að sigla til Landeyjahafnar næstu daga, segir jafnframt í fréttinni.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.