Fimm nýjar þjónustuíbúðir vígðar

10.Október'19 | 06:56
IMG_6285

Skálað var fyrir nýju íbúðunum í vígslunni í gær. Ljósmyndir/TMS

Í gær voru nýjar þjónustuíbúðir eldri borgara í Eyjahrauni vígðar. Íbúðirnar eru fimm en í þeim búa sex eldri borgarar, ein hjón og fjórir íbúar í einstaklingsíbúðum.

Íris Róbertsdóttir sagði við þetta tilefni að þetta fyrirkomulag á búsetuformi hafi ekki áður verið hjá Vestmannaeyjabæ. Hún segir þetta form vera í þróun.

Millistig sem vantaði inní þjónustuna hjá Vestmannaeyjabæ

Íris sagði að með tímanum verði teknar inn fleiri íbúðir í þetta þjónustufyrirkomulag, þar af ein til viðbótar fyrri hluta næsta árs.

„Þjónustuíbúðir eru hugsaðar sem millistig á milli þess að einstaklingar treysta sér ekki lengur til að búa lengur heima en eru ekki orðnir í  brýnni þörf fyrir hjúkrunarrými. Millistig sem vantaði inní þjónustuna hjá Vestmannaeyjabæ.”

Fram kom að setustofan hafi verið „mubluð“ fyrir nafnlaust gjafafé og aðstoðaði Sara Dögg Guðjónsdóttir við val á innanstokksmunum.

Þjónustupakkar tengdar íbúðunum í boði

Sólrún Gunnarsdóttir deildarstjóri í öldrunarmálum og Helga Jóhanna Harðardóttir formaður fjölskyldu- og tómstundaráðs afhentu nýjum íbúunum blóm frá Vestmannaeyjabæ.

Innifalið í þjónustupakka tengdum íbúðunum er eftirfarandi sem íbúar greiða fyrir er öryggiskerfi með möguleikum á fullkomnum skynjurum ofl, þjónusta t.d. þvottar og þrif, innlit og eftirlit, sami starfsmaður í húsi fyrir hádegi alla virka daga, innlit seinni part. Fylgd með einstaklingi yfir á Hraunbúðir og tilbaka ef þörf er á. Möguleiki á dagþjónustu alla virka daga á Hraunbúðum s.s tómstundastarf, leikfimi. Matur alla virka daga val um að borða á Hraunbúðum eða fá sendan mat heim og þá er heimsendur matur um helgar.

Fleiri myndir frá vígslunni má sjá hér að neðan.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.