Vestmannaeyjabær stefnir á að hætta notkun einnota plasts

Bæjarstjórn lagði fyrir umhverfis- og skipulagsráð að vinna með forstöðumönnum stofnana bæjarins að því að minnka innkaup á einnota plasti og stefna að því að hætta alfarið notkun þess í náinni framtíð.

Á fundi umhverfis- og skipulagsráðs í byrjun vikunnar samþykkti ráðið að skipa starfshóp sem mun vinna þetta í skrefum og í samvinnu með forstöðumönnum stofnanna Vestmannaeyjabæjar. Ráðið leggur til að einn fulltrúi verði úr umhverfis- og skipulagsráði auk starfsmanna Vestmannaeyjabæjar. Ráðið óskar jafnframt eftir tilnefningu um fulltrúa úr fræðsluráði.