Alfreð Alfreðsson skrifar:

Ég mótmæli

4.Október'19 | 20:05

Vestmannaeyjar.

Í ágætri grein eftir Sæþór Vídó í Eyjafréttum um flug í 100 ár kemur fyrir atriði sem ég er ekki sammála og vil nota tækifærið og koma því á framfæri.

Þú segir að með aukinni ferðatíðni Herjólfs hafi flugfélagið Ernir þurft að fækka áætlunarferðum. Þér dettur ekki í hug að benda á það að undanfarna mánuði hefur flug milli lands og Eyja hækkað umtalsvert, og var það nógu dýrt fyrir.

Því miður hætti ríkið að styðja flug milli Eyja og lands þegar Landeyjahöfn opnaði, og því engin leið að gera sér grein fyrir því hver þróunin í flugmálum við Eyjar hefði orðið hefði þetta ekki verið gert. Í ljósi þess að ekkert hefur staðist varðandi Landeyjahöfn tel ég ríkið beinlýnis skulda okkur það að flugið verði endurreist með því að koma því í það horf sem það var fyrir Landeyjahöfn. Við megum hreinlega ekki vera með þennan veimiltítuhátt þegar flugið er annars vegar.

Í fyrrgreindri grein hefur Njáll Ragnarsson orð á því að hann voni að hin svokallaða skoska leið muni glæða innanlandflugið og gera það aðgengilegra fyrir almenning. Ja heyr á endemi. Er þetta ástarkveðja til íslenskra flugfélaga? Hvernig væri að vera með samskomar blíðutón til fyrirtækja í Eyjum sem eiga um sárt að binda vegna vanefnda ríkisvaldsins í samgöngumálum Eyjamanna og þið í bæjarstjórn eruð til í að ýta undir. Við eigum frábæra flóru glæsilegra veitingahúsa. Viltu að þeir verði lagðir niður. Einn þeirra gerði það í vor. Viltu að hótelin verði rekin sem verbúðir. Hvernig heldur þú að það sé að reka ferðaþjónustufyrirtæki þrjá til fjóra mánuði á ári? Hvað heldur þú að Ísfélagið og Vinnslustöðin myndu lifa lengi við slíkar aðstæður? Ferðaþjónustufyrirtækin í Eyjum lepja dauðann úr skel lungan úr árinu.

Íris Róbertsdóttir sendi frá sér yfirlýsingu ekki alls fyrir löngu, þar sem hún blés í herlúður, atvinnufyrirtækjum, þar á meðal ferðaþjónustunni til dáða. Það er núna að koma í ljós að nýr Herjólfur stendur engan veginn undir væntingum. Sami djöfull og dauði mun vofa yfir ferðaþjónustufyrirtækjum í Eyjum og áður. Hvað ætlar þú að gera? Heldur þú að ferðamenn verði himinlifandi yfir því að nú fái Eyjamenn flugið á hálfvirði og standi í biðröð fyrir framan 18 sæta flugvélar og borgi meira en kostar fyrir tvo fram og til baka til Búdapest, sem er bæ ðö vei 10 tíma flug báðar leiðir.

Bæjarstjórn Vestmannaeyja sendi nýlega frá sér yfirlýsingu þar sem skorað var á yfirvöld að ganga til samninga um hina svokölluðu skosku leið. Gerið þið ykkur grein fyrir því að nálægt því tvö þúsund manns í Eyjum fljúga á hálfvirði í gegnum verkalýðsfélögin. Félagar í Drífanda eru rúmlega 1300, en félagar VR og Jötuns eiga einnig kost á slíku. Gerið þið ykkur grein fyrir því að frá því að Njáll Trausti Friðbertsson hóf að predika þessa trú sína hefur flug í Eyjum hækkað úr rúmum 15 þúsund krónur í 22 þúsund, væntanlega til að búa sig undir það sem koma skal. Ég á bágt með að trúa því að flugfélagið Ernir muni bjóða verkalýðsfélögunum 50% afslátt af skoska verðinu, eða flug á 25%. Sé það rétt til getið hjá mér hefði verið betur heima setið, því flug fyrir þetta fólk hefur þá hækkað um 6000 krónur.

Hvernig væri að sýna baráttuhug og berjast með samfélaginu og fyrirtækjum þess, frekar enn að velja þægilegu leiðina og fljóta með staumnum?

Vaknið nú!

 

Alfreð Alfreðsson

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Vilt þú ná til Eyjamanna?

17.Ágúst'19

Þá er Eyjar.net rétti staðurinn til þess. Sendu okkur línu á auglysingar@eyjar.net - og við aðstoðum þig að finna góða lausn fyrir þig og þitt fyrirtæki.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.