Fór úr 155 milljónum í 1,7 milljónir

3.Október'19 | 15:45
Peninga

Ljósmynd/úr safni

Það er ekkert eðlilegt að virði milljarða fjárfestingasjóðs fari niður í ekkert á mjög skömmum tíma segir Haukur Jónsson, framkvæmdastjóri Lífeyrissjóðs Vestmannaeyja en sjóðurinn tapaði á umtalsverðum fjárhæðum á Gamma: Novus. Haukur kallar eftir skýringum. 

„LSV keypti í sjóðnum í árslok 2013 fyrir 100 milljónir, seldi í árslok 2017 fyrir 34 milljónir, raunveruleg nettó niðurfærsla vegna þessa er því um 66 milljónir kr  miðað við upphafleg kaup og sölu. Við uppgjör í september nú eru áhrifin um 153,7 milljónir vegna endurmats á gengi þ.e. fer úr 155 milljónum í 1,7 milljónir, mismunur er 153,7 milljónir.” segir hann.

Sjóðurinn tæplega 60 milljarðar að stærð í dag

Haukur segir áhrif þessa til lækkunar á ávöxtun LSV sé um -0,27% við uppgjör í september en sjóðurinn er tæplega 60 milljarðar að stærð í dag.

Haukur ítrekar í samtali við Eyjar.net að það sé ekkert eðlilegt við það að verðmæti uppá 4,4 milljarða hafa nánast orðið að engu á stuttum tíma. „Á því viljum við og aðrir fjárfestar fá skýringu á áður en lengra er haldið.”

Eignir Gamma:Novus voru um síðustu ármót metnar á 4,4 milljarða en voru færðar niður í 40 milljónir og var fjárfestum tilkynnt um það síðastliðinn mánudag.

Sjá einnig: Segir niðurfærslu Gamma:Novus ekki standast

Fleiri frá Eyjum að tapa á sjóðnum

Í Markaðnum - fylgiriti Fréttablaðsins er greint frá því að á meðal einkafjárfesta sem voru hvað stærstir við fjármögnun NOVUS á sínum tíma var Guðbjörg Matthíasdóttir, aðaleigandi Ísfélags Vestmannaeyja, samkvæmt heimildum Markaðarins, en félag í hennar eigu fjárfesti í sjóðnum fyrir hundruð milljóna.

Félag Guðbjargar var einnig umsvifamikið í hópi fjárfesta sem lánuðu samtals 2,7 milljarða króna til Upphafs í tengslum við skuldabréf til tveggja ára sem félagið gaf út í byrjun júní á þessu ári. Þá voru Stoðir, stærsta fjárfestingafélag landsins, einnig á meðal þátttakenda í skuldabréfaútboðinu og fjárfestu í því fyrir samtals 500 milljónir króna, samkvæmt heimildum.

Í kynningu til fjárfesta vegna skuldabréfaútboðsins, sem Markaðurinn hefur undir höndum, var gert ráð fyrir að vextirnir, sem ættu að greiðast á tólf mánaða fresti, yrðu 11 prósent en þeir urðu hins vegar að lokum 15 prósent, segir í frétt Markaðarins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.