Einstaka pysja enn að berast í eftirlitið

30.September'19 | 14:52
pysja_dunud_2019_sea_life

Ljósmynd/Sea Life Trust

Nú er aðeins einstaka pysja að berast til pysjueftirlitsins. Það eru þó ennþá nokkrar pysjur hjá okkur sem verið er að gera klárar, segir í frétt á facebook-síðu Sea Life Trust. 

Þá segir í fréttinni að flestar hafi þær verið of litlar og dúnaðar til að vera sleppt til sjávar. Þær eru allar að þyngjast og orðnar nokkurn vegin dúnlausar.

Pysjan á myndunum er óvenjuleg. Hún heldur sem fastast í dúninn en er samt komin yfir 320 grömm. Dúnninn er þó aðeins að byrja sð losna og verður henni því vonandi sleppt á allra næstu dögum. Það eru þó talsverðar líkur á því að hún sé ekki vatnsheld, eins og oftast er með pysjur sem hefur verið haldið í nokkra daga. Þá þurfum við að hjálpa henni að ná upp vatnsheldni.

Þegar pysjur koma af sundi þá á fiðrið að vera alveg þurrt og vatnsdroparnir að perla af þeim. Ef fiður þeirra blotnar þá er dauðinn vís þegar þær halda á haf út. Það er alla jafna auðvelt að fita litlar pysjur en oft þrautin þyngri að gera þær síðan vatnsheldar, segir ennfremur í fréttinni.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.