Fræðsluráð:

Lagt til að niðurgreiðslur til foreldra á dagforeldragreiðslum hækki verulega

sem og leikfangastyrkur til dagforeldra

26.September'19 | 07:43
yfir_eyjar_gig

Vestmannaeyjabær. Ljósmynd/Gunnar Ingi

Framkvæmdastjóri fjölskyldu- og fræðslusviðs lagði fram tillögur á síðasta fundi fræðsluráðs að breytingum varðandi niðurgreiðslur til dagforeldra sem og breytingu varðandi heimagreiðslur.

Í afgreiðslu ráðsins er lagt til að niðurgreiðslur til foreldra á dagforeldragreiðslum hækki verulega sem og leikfangastyrkur til dagforeldra.

Vegna þess hve mörg laus pláss eru hjá dagforeldrum og aukning á leikskólaplássum hjá Vestmannaeyjabæ telur framkvæmdastjóri ekki þörf á heimgreiðslum né niðurgreiðslum fyrir ónýtt pláss hjá dagforeldrum og leggur til að þær verði lagðar niður að svo stöddu frá og með 1. janúar 2020.

Fræðsluráð leggur áherslu á að hlúa að ungum fjölskyldum og gera Vestmannaeyjar að raunhæfum kosti fyrir ungt fólk til að setjast að. Fræðsluráð leggur mikla áherslu á að þjónusta og gjaldheimta við þennan mikilvæga hóp sé eins hagstæð og mögulegt er.

Ráðið samþykkti tillöguna og fól framkvæmdastjóra að gera ráð fyrir umræddum breytingum við gerð fjárhagsáætlunar 2020.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.