Djúpt á nýja dýpkunaráætlun

25.September'19 | 06:45
disan_lan_0719

Dýpkunarskipið Dísa við dælingu í Landeyjahöfn. Ljósmynd/TMS

Fyrir rúmri viku fundaði bæjarráð Vestmannaeyja og var þá einu sinni sem oftar umræða um samgöngumál. Þar fór bæjarstjóri fór yfir stöðuna varðandi dýpkun í Landeyjahöfn og samtöl þess efnis við vegamálastjóra.

Í fundargerðinni kom fram að viðhaldsdýpkun muni hefjast í vikunni í Landeyjahöfn og þá kom fram að von væri á nýrri dýpkunaráætlun mjög fljótlega. Einnig kom fram að framkvæmdastjóri Herjólfs ohf. hafi verið í símasambandi á fundinum, um stöðu félagsins, ástand ferjunnar og siglingar milli lands og Eyja.

Lengi í vinnslu

Eins og áður segir er nú rúm vika síðan þetta var sett fram og enn bólar ekkert á nýrri dýpkunaráætlun. Eyjar.net sendi fyrirspurn á Írisi Róbertsdóttur, bæjarstjóra í gærmorgun um málið, en ekki er enn komin niðurstaða í þetta mikilvæga mál, segir í svarinu.

Mál þetta hefur verið lengi í vinnslu og má þar nefna að síðasta dag apríl-mánaðar fjallaði bæjarráð um að viðræður stæðu yfir við Vegagerðina um framhald dýpkunar í Landeyjahöfn. En viðræðurnar snúast um að eyða út svokölluðum dýpkunartímabilum. En nú um miðjan mánuð hófst svokallað haustdýpkunartímabil, sem stendur til 15. nóvember. 

Sjá einnig: Viðræður standa yfir við Vegagerðina um framhald dýpkunar

Hvað tefur?

Í viðtali við Eyjar.net í lok ágúst sagði Íris Róbertsdóttir, bæjarstjóri að bæjarráð hafi lagt á það áherslu að Vegagerðin hefji undirbúning að dýpkun fyrir næsta vetur, á tímabilinu 15. nóvember til 1. mars, sem núverandi samningur um dýpkun nær ekki yfir. Verði það gert tímanlega þannig að óvissu um dýpkun næsta vetur verði eytt og þessi staða endurtaki sig ekki að ári liðnu.

Sjá einnig: Getum ekki búið við það ástand sem var í dýpkunarmálum síðasta vetur

Þá kom fram hjá bæjarstjóra að hún ætti von á viðbrögðum og svörum innan skamms. Þetta var þann 28. ágúst. Nú tæpum mánuði síðar hefur þetta mál ekki enn verið leitt til lykta.

Það er óhætt að segja að það sé djúpt á þessari nýju dýpkunaráætlun. Spurningin er “Hvað tefur”?

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.