Hafa saumað þrjú þúsund margnota innkaupapoka

- bæjarbúar hafa fengið þá til afnota sér að kostnaðarlausu

19.September'19 | 07:45
agusta_og_erla_ads

Erla og Ágústa á saumastofunni.

Þær Ágústa Hulda Árnadóttir og Erla Einarsdóttir hafa ekki setið auðum höndum undanfarnar vikur og mánuði. Þær hafa nýtt mestan sinn frítíma í að sauma innkaupapoka og lagt þannig sitt af mörkum í að sporna gegn plastmengun. 

„Hugmyndin kviknaði þegar við sáum þetta í sjónvarpinu. Þá fórum við að spá í hvort við gætum ekki útfært þessa hugmynd, þar sem við erum á móti plasti og öðru einnota dóti.” segir Ágústa í samtali við Eyjar.net, en bæjarbúar hafa fengið pokana til afnota sér að kostnaðarlausu.

Nota efni sem þeim hlotnast frá bæjarbúum

„Pokarnir eru í báðum matvöruverslunum bæjarins og svo gerðum við líka fyrir ÁTVR og bókasafnið. En höfum alveg nóg með að sinna matvöruverslunum.”

Aðspurðar segja þær að þær notist við gamlar gardínur, dúka og annað gott efni sem þeim hlotnast frá bæjarbúum. „Við byrjuðum að sauma í mars í fyrra og náðum 800 pokum sem við afhentum í þessar 3 búðir sem voru þá starfandi. Á þessu einu og hálfa ári eru pokarnir orðnir í kringum 3 þúsund.” segir Erla. 

Bæjarbúar þurfa að vera duglegri að skila pokunum

Þær segja að ekki gangi nógu vel að fá bæjarbúa til að skila pokunum í búðirnar aftur. Þar sem hugmyndin er að þú fáir lánaðan poka frá okkur ef þú gleymir þínum fjölnotapoka heima og skilur honum svo aftur í næstu ferð frekar en að kaupa plastpoka. Bæjarbúar þurfa að vera duglegri að skila pokunum, sem þeir fá lánaða.

Að sögn Ágústu hafa þær líka saumað einnota poka fyrir ávexti og grænmeti og selur kvenfélagið Líkn þá.

Gott dæmi um það hvað bæjarbúar geta lagt að mörkum fyrir bæjarfélagið

Á síðasta fundi umhverfis- og skipulagsráðs hrósaði ráðið sérstaklega þeim Erlu og Ágústu Huldu fyrir framtak sitt. Þetta er gott dæmi um það hvað bæjarbúar geta lagt að mörkum fyrir bæjarfélagið, segir í bókun ráðsins.


 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.