Náttúrugripir í Sæheimum:

Hafa mikið menningarlegt gildi

18.September'19 | 06:25
uppstopp_saeh

Til stendur að finna uppstoppaðum safnmunum frá Sæheimum nýjan stað.

Nú er ljóst að stór hluti þeirra safnmuna sem voru til sýnis í Sæheimum við Heiðarveg verða ekki sýndir í nýju safni Sea Life. Á þetta einkum við um uppstoppaða safnmuni og steinasafnið. 

Þetta kemur fram í fundargerð bæjarráðs frá í gær. Þar segir jafnframt að þar sem umræddur safnkostur hafi mikið menningarlegt gildi er mikilvægt að finna honum varanlegan stað og í réttum skilyrðum svo bæjarbúar geti áfram notið safnsins. Samkvæmt safnalögum ber að hafa náið samráð við Náttúruminjasafn Íslands og mennta- og menningarmálaráðuneytið um varðveislu safnmuna sem þessa.

Verði komið fyrir tímabundið í húsnæði þar sem munirnir geta verið til sýnis við góðar aðstæður

Í niðurstöðu ráðsins segir að bæjarráð leggi til að sá safnkostur Sæheima, sem ekki verður komið fyrir í nýju safni Sea Life, verði komið fyrir tímabundið í húsnæði þar sem munirnir geta verið til sýnis við góðar aðstæður og til þess að varðveita þá. Jafnframt verði kannað hvort forstöðumaður Sagnheima geti tekið að sér ábyrgð á safnkostinum. Haft verði samráð við Náttúruminjasafn Íslands og mennta- og menningarmálaráðuneytið um þessa tilhögun. Bæjarráð felur framkvæmdastjóra stjórnsýslu- og fjármálasviðs að fylgja málinu eftir.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.