Nýi Herjólfur í kröppum dansi innan hafnar

15.September'19 | 13:49
IMG_5899

Herjólfur lenti á horni Básaskersbryggju. Ljósmyndir/TMS

Í gær gekk mikið hvassviðri yfir sunnanvert landið. Herjólfur gamli var þá notaður til siglinga á milli lands og Eyja. Fyrst fór hann í Þorlákshöfn, náði síðan einni ferð í Landeyjahöfn um miðjan dag en fór svo aftur síðdegis í Þorlákshöfn.

Á meðan var nýi Herjólfur bundinn við bryggju í Eyjum. Um kvöldmatarleitið í gærkvöldi var veðurofsinn orðinn það mikill að Herjólfur var kominn frá bryggju. Var þá brugðið á það ráð að færa skipið innar í höfnina og var Lóðsinn kallaður út til aðstoðar. 

Ekki vildi betur til en svo en ferjan lenti á Básaskersbryggju og brotnaði uppúr bryggjunni. Herjólfur tjónaðist lítilega.

Guðbjartur Ellert Jónsson, framkvæmdastjóri Herjólfs ohf. segir að spil sem eigi að halda hafi gefið eftir. „Búnaðurinn gaf hreinlega eftir.” Hann segir að skipið hafi tekið á sig mikinn vind. „Hér náði vindstyrkur allt að 40 m/s.”

Hann segir að tjónið sé minniháttar, en verður skoðað betur í slippnum sem og spil-búnaðurinn sem ekki hélt eins og hann á að gera. Nýi Herjólfur heldur í kvöld áleiðis í viðhaldsferð sína. Fyrst til Hafnarfjarðar og síðan til Akureyrar.

Tags

Herjólfur

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-