Umhverfis- og skipulagsráð:

Tímabundið leyfi veitt fyrir raforkustöð á Heimakletti

- vel hægt að leysa umrætt mál með minna inngripi en að setja byggingu á Heimaklett, segir minnihluti ráðsins

3.September'19 | 11:47
fell_heimakl

Umhverfis- og skipulagsráð heimilaði Isavia að setja upp raforkustöð á Heimaklett. Mynd/TMS

Á fundi umhverfis- og skipulagsráðs í gær var enn á ný til umfjöllunar ósk Isavia ohf. um leyfi fyrir uppsetningu raforkustöðvar á Heimakletti.

Isavia óskaði þann 11.07.19 eftir að staðsetja stöðina á flata sem er við topp Heimakletts, hnit T: E437059,910/N327827,583 og til vara á hnit B: E437040,107/N327810,317. Ráðið hafnaði þeirri beiðni þann 22.07.19 þar sem engin ný gögn bárust ráðinu en áður hafði ráðið samþykkt þann 31.10.2018 staðsetningu fyrir stöðina á hnit A: E437063,628/N327829,619.

Sjá einnig: Setja upp raforkustöð á Heimakletti

Isavia óskar nú eftir sömu staðsetningu og óskað var eftir þann 11.07.19, að staðsetja stöðina á flata sem er við topp Heimakletts, hnit T: E437059,910/N327827,583 og til vara á hnit B: E437040,107/N327810,317. Frekari gögn bárust ráðinu.
 
Í niðurstöðu segir að ráðið geti ekki heimilað umbeðna staðsetningu á raforkustöð hnit T: E437059,910/N327827,583 en heimilar tímabundið leyfi til 12 mánaða á hnit sem umbeðið var til vara hnit B: E437040,107/N327810,317, en sú staðsetning hefur engin sjónræn áhrif frá bænum.

Ráðið vill leggja ríka áherslu á vandaðan frágang og að röskun á svæðinu verði með minnsta móti. Þá skal Isavia fjarlægja aflagðan rafmagnskapal og ganga betur frá röskuðu svæði við ljósamastur og við önnur svæði sem jarðrask hefur verið vegna verksins. Allur frágangur skal vera í samráði við umhverfis- og framkvæmdasvið. Mikilvægt er að ljúka vinnu við aðflugsljós á Heimakletti vegna öryggis í sjúkra- og farþegaflugi.
 
Ofangreint var samþykkt með 3 atkvæðum H- og E-lista gegn tveimur atkvæðum D-lista.

Harma framgöngu Isavia í þessu máli

Fulltrúar Sjálfstæðisflokksins harma framgöngu Isavia í þessu máli. Að hefja gröft á tveimur mismunandi stöðum á toppi Heimakletts án leyfis er óafsakanlegt þar sem sjónræn áhrif eru mikil. Ef Isavia telur sig ekki geta nýtt sér þá staðsetningu sem fyrst var leyfð með sem minnstum sjónrænum áhrifum, þá er vel hægt að leysa umrætt mál með minna inngripi en að setja byggingu á Heimaklett. Undirrituð telja að besta lausnin sé sú að leggja rafmagnskapal að umræddu ljósi og tryggja þannig það öryggi sem nauðsynlegt er vegna flugsamgangna, segir í bókun sem þau Eyþór Harðarsson og Margrét Rós Ingólfsdóttir skrifa undir.
 
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.