Allt er gott sem endar vel

- tekist á um bæjarmálasamþykkt Vestmannaeyjabæjar og traust á milli bæjarfulltrúa

3.September'19 | 09:44
baejarstj_fundur

Frá fundi bæjarstjórnar. Ljósmynd/TMS

Breytingar á bæjarmálasamþykkt Vestmannaeyjabæjar lá fyrir til umræðu og staðfestingar á fundi bæjarstjórnar í síðustu viku. Miklar umræður sköpuðust um málið og voru lagðar fram bókanir um málið af bæði meiri- og minnihluta. 

Í fyrstu bókun frá bæjarfulltrúum H- og E- lista, segir að bæjarfulltrúar meirhlutans taki undir bókun bæjarráðs frá 30. júlí síðastliðnum vegna bæjarmálsamþykktar. Við umræður um ársreikning Vestmannaeyjabæjar fyrir árið 2018 komu fram athugasemdir endurskoðenda um ýmsar greinar í bæjarmálasamþykkt Vestmannaeyjabæjar. Í framhaldinu var óformlega rætt og ákveðið í bæjarráði að fela stjórnsýsluendurskoðanda bæjarins framgang málsins og að gera tillögur að breytingum á samþykktinni.

Sakar formann bæjarráðs um að brjóta siðareglur kjörinna fulltrúa

Í bókun frá Hildi Sólveigu Sigurðardóttur, bæjarfulltrúa D-lista, segir að formaður bæjarráðs gerist sekur um að brjóta siðareglur kjörinna fulltrúa þegar hann vitnar í ,,meint" orð undirritaðrar á umræddum bæjarráðsfundi. 

Þá segir í bókun frá öllum bæjarfulltrúum D-lista, að bæjarfulltrúar Sjálfstæðisflokksins taki undir bókun bæjarráðsfulltrúa Sjálfstæðisflokksins og þykir miður að fulltrúar meirihlutans hafi farið fram úr sér, hafið verk áður en ákvörðun hefur verið tekin um framkvæmdina af hálfu bæjarstjórnar. Undirritaðir bæjarfulltrúar eru á engan hátt andvígir endurskoðuninni, en gera athugasemdir við það verklag að endurskoðun hafi hafist áður en málið kom til umfjöllunar í bæjarstjórn. Að hafist sé handa með aðkeyptri þjónustu sérfræðings, án þess að fyrir liggi ákvörðun og samþykki bæjarstjórnar um að fara í endurskoðunina. Bæjarfulltrúar Sjálfstæðisflokksins gera athugasemd við að í bókun meirihlutans eru lagðar fram fullyrðingar en enginn bæjarráðsfulltrúi Sjálfstæðisflokksins kannast við að óformlega hafi verið ákveðið í bæjarráði að fela stjórnsýsluendurskoðanda framganga málsins, líkt og kveðið er á um í bókun ráðsins. Fundir bæjarráðs og bókanir um slíkar ákvarðanir ættu að vera formlegar. 

Að óformlegum samskiptum milli meiri- og minnihluta sé lokið

Liðurinn ,,Breytingar á bæjarmálasamþykkt Vestmannaeyjabæjar” var samþykktur með sjö samhljóða atkvæðum en Trausti Hjaltason gerði grein fyrir atkvæði sínu með eftirfarandi bókun:

,,Ég greiði atkvæði með afgreiðslu málsins en mér þykir mjög miður að bæjarfulltrúinn Njáll Ragnarsson sem jafnframt er formaður bæjarráðs skuli hafa lýst því yfir á fundinum að óformlegum samskiptum milli meiri- og minnihluta sé lokið. Samskipti og samtal milli bæjarfulltrúa er afar mikilvægur þáttur fyrir bæjarfélagið.”

Athugasemdir frá stjórnsýsluendurskoðanda Vestmannaeyjabæjar

Síðar á fundinum var sama mál tekið aftur upp. 

Þar segir í bókun frá bæjarfulltrúum H- og E-lista að við stjórnsýsluendurskoðun síðasta vor, á starfsemi Vestmannaeyjabæjar fyrir árið 2018, hafi komið fram athugasemdir frá Sesselju Árnadóttur, stjórnsýsluendurskoðanda Vestmannaeyjabæjar, um ákveðnar greinar í bæjarmálasamþykkt Vestmannaeyjabæjar (samþykkt um stjórn og fundarsköp Vestmannaeyjabæjar nr. 561/2013, sbr. samþykkt nr. 334/2014) sem þyrfti að uppfæra og leiðrétta. 

Í framhaldinu var óformlega rætt og ákveðið í bæjarráði að fela Sesselju að leggja fram tillögur að breytingum á samþykktinni sem hún taldi nauðsynlegar. Umræddar tillögur hafa tvívegis verið lagðar fyrir bæjarráð. 

Eftir fund ráðsins þann 30. júlí sl. þar sem breytingarnar voru lagðar fram, funduðu fulltrúar bæjarráðs með Sesselju og lagði fulltrúi sjálfstæðisflokksins til að farið yrði í ítarlegri breytingar/lagfæringar á bæjarmálasamþykktinni en Sesselja hafði áður lagt til. 

Málið var síðan aftur lagt fyrir bæjarráð þann 20. ágúst sl. og lagði bæjarráð þar til við bæjarstjórn að samþykkja að fara í endurskoðun á bæjarmálasamþykktinni í samræmi við tillögur bæjarráðs þar um, þ.e. að taka fyrir tillögur stjórnsýsluendurskoðanda bæjarins auk óska fulltrúa minnihlutans um frekari breytingar á samþykktinni í heild sinni. 

Gott samráð og breið samvinna fulltrúa meirihluta og minnihluta í bæjarráði hefur einkennt þessa vinnu fram til þessa og verður vonandi áfram, segir í bókun meirihlutans.

Ýmislegt sagt í hita leiksins

Í bókun frá bæjarfulltrúum D-lista segir að bæjarmálasamþykktin þarfnist endurskoðunar. Málið er komið í réttan farveg og bæjarfulltrúar Sjálfstæðisflokksins eru fullir tilhlökkunar á að takast á við þá vinnu. 

Í kjölfarið bókaðu bæjarfulltrúar H- og E- lista að það sé einlægur vilji meirihluta bæjarstjórnar að eiga í sem bestum samskiptum við minnihluta bæjarstjórnar. Því miður hefur andrúmsloftið í samskiptunum ekki verið nógu gott. Ýmislegt er sagt í hita leiksins en það er okkar ábyrgð að starfa saman sem kjörnir fulltrúar sveitarfélagsins. Og ætlum við að gera það. 

Í bókun frá bæjarfulltrúum D-lista segir að bæjarfulltrúar Sjálfstæðisflokksins taki heils hugar undir að góð samskipti séu mikilvæg, og munum við leggja okkar af mörkum að svo verði. 

Liður 1, Breytingar á bæjarmálasamþykkt Vestmannaeyjabæjar var samþykktur með sjö samhljóða atkvæðum.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).