Krónísk svartolíumengun í Vestmannaeyjahöfn

29.Ágúst'19 | 20:33
oliubl_lundi_natt_sud

Ljósmynd: Náttúrustofa Suðurlands/Karen Lynn Velas

„Krónísk svartolíumengun í Vestmannaeyjahöfn,“ skrifar Náttúrustofa Suðurlands við færslu sem var birt á Facebook í gær. Karen Lynn Velas líffræðingur tók mynd af lunda sem er þakinn svartolíu.

Í færslunni segir jafnframt að það hafi verið þrálát olíumengun í Vestmannaeyjahöfn. Síðan Karen Lynn Velas kenndi starfsfólki Fiskasafnsins að hreinsa olíu- og grútarblauta fugla árið 2017, þá hafa um 100 fuglar, aðallega pysjur verið hreinsaðar þar árlega. Þetta ástand er ekki ásættanlegt.

Á vef Fréttablaðsins segir Erpur Snær Hansen, forstöðumaður Náttúrustofu Suðurlands að þetta sé búið að vera viðvarandi vandamál. Hann segir þetta óeðlilega mikið nú. Svartolían lekur út í sjóinn út frá skipum sem sigla inn í höfnina. Erfitt er að hreinsa svartolíu sem lendir í sjó og skapar mengunin hættu fyrir lundapysjur.

Missa flotið og drepast

Til stendur að banna svartolíu í skipum innan íslenskrar landhelgi frá og með næstu áramótum. Samkvæmt núverandi reglugerð frá árinu 2015 er leyfilegt að brennisteinsinnihald í skipaeldsneyti innan landhelginnar sé 3,5 prósent en með breytingunum færi það niður í 0,1 prósent. Þá verður skipt yfir í annars konar olíu.

„Það er sama hvernig olía þetta er. Ef þetta liggur í sjónum og fuglarnir komast í þetta, þá missa þeir flotið og sökkva og drepast,“ segir Erpur.

Fuglarnir eru í þó nokkurn tíma að jafna sig eftir þrifin. „Það þarf að þurrka þá vel og smyrja fjaðrirnar með fitu úr fitukyrtli undir stélinu, þannig að þeir verði vatnsheldir aftur,“ segir Erpur.

Nánar má lesa um málið hér.

 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).