Uppfært

Stefnt að því að sigla kl. 17:00 til Landeyjahafnar

27.Ágúst'19 | 15:18
IMG_4320

Ljósmynd/TMS

Skipstjórar Herjólfs hafa vaktað og fylgst með aðstæðum í og við Landeyjahöfn frá því að lægðin gekk yfir í vikulokin. Ákvörðun var tekin í ljósi aðstæðna á sunnudaginn að sigla til Þorlákshafnar. 

Nú hefur veður og sjólag verið að ganga niður og útlit fyrir að hægt er að sigla til Landeyjahafnar, segir í tilkynningu frá Herjólfi ohf.

Bryggjuþil fóru í sjóinn

Þar segir enn fremur að verktakar hafi unnið við lagfæringar á hafnaraðstöðu í Landeyjahöfn undanfarna daga. Í veðrinu sem gekk yfir féllu tvö þil af fjórum sem verið var að festa við hafnarkantinn niður í sjóinn. Ekki hefur tekist að staðsetja þilin eða staðfesta að þau liggi ekki skrúfumegin við bryggjuna. Kafari er að störfum og er vonast til að hægt verði að staðsetja og fjarlægja þilin sem fyrst. Því hefur verið ákveðið að bíða eftir að verkinu verði lokið og hefur fyrirhugaðari ferð í Þorlákshöfn verið frestað og stefnt að því að sigla kl. 17:00 til Landeyjahafnar.

Ef svo illa fer að ekki verði búið að ljúka við verkið fyrir kl. 17:00 verður siglt til Þorlákshafnar og til baka þaðan kl. 20:45.

Brottför frá Vestmannaeyjum: 17:00
Brottför frá Landeyjahöfn: 18:15

Farþegar sem áttu bókað í 15:30 í Þorlákshöfn, áður 14:30 hafa verið færðir í 17:00 ferðina frá Vestmannaeyjum. Farþegar sem áttu bókað 19:15 frá Þorlákshöfn, áður 18:15, hafa verið færðir aftur í 18:15 frá Landeyjahöfn.

Staðfest brottför í Landeyjahöfn

Uppfært kl. 17.20:

Staðfest brottför í Landeyjahöfn.

Brottför frá Vestmannaeyjum kl. 17:00, 19:30 og 22:00. 
Brottför frá Landeyjahöfn kl. 18:15, 20:45 og 23:15

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).