Aðalfundur Vestmannaeyjaferjunnar Herjólfs ohf.

Neitaði að færa bókanir og athugasemdir fundarstjóra inn í fundargerðina

21.Ágúst'19 | 07:58
herjolfur_nyr_eyjum

Vestmannaeyjaferjan Herjólfur ohf. annast rekstur Herjólfs. Ljósmynd/TMS

Síðasta dag maí-mánaðar var haldinn aðalfundur hjá Vestmannaeyjaferjunni Herjólfi ohf. Í lok júlí var fundargerðin frá fundinum loks gerð opinber á vef Vestmannaeyjabæjar. 

Guðmundur Þ.B. Ólafsson stýrði umræddum fundi og ritaði Arndís Bára Ingimarsdóttir fundargerðina, en hún situr í stjórn Vestmannaeyjaferjunnar Herjólfs ohf. Í viðauka við fundargerðina sem er samþykktur af Írisi Róbertsdóttur, bæjarastjóra segir: 

Með vísan til 90. gr. laga um hlutafélög nr. 2/1995 gerir undirritaður fundarstjóri eftirfarandi athugasemdir og bókanir, þar sem fundarritari hefur neitað að færa þessar bókanir og athugasemdir inn í fundargerðina eins og gert er ráð fyrir í lögunum sbr. framangreinda grein. Bókanir og athugasemdir eru því settar hér fram á sérstöku blaði, sem teljast skal hluti af fundargerðinni og samþykkir fundarstjóri ritun fundargerðar, eins og áskilið er í framangreindri gr. hlutafjárlaga.

  • Liður 3. Starfskjarastefna félagsins: „og leggur fram tillögu um að samþykkt starfskjarastefnu verði frestað“ Þar við bætist „Tillagan var samþykkt.“
  • Liður 5. Ákvörðun um hvernig skal fara með hagnað/tap félagsins: „Engin tillaga lögð fram um hvernig skuli fara með tap félagsins fyrir síðasta rekstrarár.“Við það bætist„ Fundarstjóri gat þess að þar sem tap færðist á næsta ár sbr. samþykktan ársreikning liti hann svo á að tap færðist á næsta ár. Var það samþykkt.
  • Fundarritari er titlaður ritari stjórnar en eðlilegra er að hann sé titlaður „fundarritari“.

 

Fundargerðina alla má lesa hér.

Tags

Herjólfur

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).