Rafhleðsla Herjólfs áætluð í gagnið í lok október

16.Ágúst'19 | 09:57
hledsla_herj_framkv

10 metra hár hleðsluturn mun rísa á Básaskersbryggju innan tíðar. Ljósmynd/TMS

Samið hefur verið við Rafal ehf., lægst bjóðanda, um að ganga frá raflögnum í hleðslustöðvar fyrir nýja Herjólf, bæði í Vestmannaeyjum og í Landeyjahöfn. 

Þetta kemur fram í svari Vegagerðarinnar til Eyjar.net. Þá segir að hleðslulausnin verði sett upp í viku 35, sem er síðasta vika ágústmánaðar.  Í framhaldi af því verður gengið frá rafmagnslögnum og verklok eru sett 15. október, en það miðar við báðar hleðslustöðvar. 

Sjá einnig: Rafal ehf. bauð lægst í raflagnir fyrir hleðsluturna

Í framhaldinu fara fram innri prófanir á báðum hleðslustöðvum og á móti skipinu og þeim stjórnbúnaði sem er þar. Reiknað er með 5-6 dögum í prófanir á hvorum turni. Raunhæft er því að horfa til þess að lausnin verði komin í rekstur rétt fyrir mánaðarmótin október/nóvember.

Framkvæmdir eru hafnar við undirstöður líkt og sjá má á meðfylgjandi mynd sem tekin var í morgun.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.