Þjóðhátíð:

Orðið erfitt að fá ferðir til Eyja með Herjólfi

29.Júlí'19 | 11:29
Brennan-2017

Frá Þjóðhátíð. Ljósmynd/Gunnar Ingi

Undirbúningur Þjóðhátíðar gengur mjög vel, segir Hörður Orri Grettisson, framkvæmdastjóri ÍBV. Hann segir að nokkrir lausir hnútar séu hér og þar en allt verði tilbúið á réttum tíma.

Aðspurður um hvernig salan gangi segir hann að hún gangi vel og sé sambærileg og seinustu ár. „Vel gengur að selja í Herjólf og Teistu en það mætti vera meiri kraftur í fluginu.”

Svör um gamla Herjólf ættu að liggja fyrir í dag

Er hann er spurður um hvort niðurstaða sé komin í hvort gamli Herjólfur verði einnig nýttur í áætlun á móti þeim nýja segir Hörður að enn sé beðið eftir svörum og er þjóðhátíðarnefnd sagt að þau liggi fyrir í dag.

„Eftirspurnin er mikil en núna er orðið erfitt að fá ferðir til Eyja með Herjólfi og yrði það góð viðbót fyrir okkar viðskiptavini sem vilja flestir koma til Eyja á föstudegi og fara heim á mánudegi að bæði skipin mundu sigla.”

Tæplega 90% af þeim sem sækja um lóð fá úthlutað sínu 1. vali

Er Hörður er spurður útí hvort gestir hátíðarinnar verði varir við einhverjar breytingar í ár segir hann svo ekki vera. „Gestir verða líklega ekki mikið varir við breytingar. Hátíðin í ár er byggð upp á svipaðan hátt og áður. Hins vegar er alltaf verið að betrumbæta hlutina ár frá ári og má þar nefna gæslu, bílastæði, umferð og fleira.”

Hvað varðar ásókn í stæði undir hvítu tjöldin segir Hörður Orri að í ár sé sótt um ívíð fleiri metra heldur en í fyrra og er gaman að segja frá því að tæplega 90% af þeim sem sækja um lóð fá úthlutað sínu 1. vali.

Hörður vill að endingu óska öllum gleðilegrar Þjóðhátíðar.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.