Turnarnir verða reistir í lok ágúst

26.Júlí'19 | 06:48

Búið er að leggja rafstrengin niður á bryggju. Tengipunktur skipsins er aðeins norðar. Ljósmynd/TMS

Í gær hóf nýr Herjólfur áætlunarsigingar á milli lands og Eyja. Stefnt er að því að hann haldi uppi áætlun allt fram í september þegar hann fer til Akureyrar í slipp.

Nýja ferjan er rafdrifin en á meðan hleðsluturnarnir sem til stendur að setja upp í bæði Landeyjahöfn sem og í Eyjum eru ekki komnir upp mun nýja ferjan ganga fyrir olíu fyrst um sinn.

Sérstakar turnlaga byggingar um 10 metra háar

„Hvað varðar rafhleðsluna þá gengur það samkvæmt áætlun. Rafstrengir í landi eru komnir að hafnarsvæðinu hvoru megin.” segir G. Pétur Matthíasson, upplýsingafulltrúi Vegagerðarinnar í samtali við Eyjar.net.

Hann segir að sérstakar turnlaga byggingar um 10 metra háar verði reistar á hvorum stað, nákvæmlega á móts við tengipunkt skipsins. „Þessar byggingar verða reistar í lok ágúst og sérfræðingar framleiðanda ganga frá raftengingum í beinu framhaldi. Ferjan gengur því fyrir olíu fyrst um sinn.”

Sjá einnig: Óska eftir framkvæmdaleyfi vegna uppsetningar á hleðslubúnaði

Á myndinni má sjá hvernig umræddar byggingar líta út.