Bæjarráð:

Geta ekki orðið við beiðni Drífanda stéttarfélags

18.Júlí'19 | 06:59

Á fundi bæjarráðs Vestmannaeyja í vikunni var tekið fyrir erindi frá Drífanda stéttarfélagi. 

Í erindinu segir að þar sem kjaraviðræður hafa dregist á langinn hafa aðilar sammælst um að þann 1. ágúst 2019 verði hverjum starfsmanni greidd innágreiðsla á væntanlegan kjarasamning er verði metinn sem hluti af kostnaðaráhrifum hans. Undanskilin eingreiðslu eru Starfsgreinasambandið, Efling og Verkalýðsfélag Akraness en umrædd stéttarfélög hafa öll vísað kjaradeilum sínum til ríkissáttasemjara þar sem deilt er um lífeyrismál. 

Drífandi stéttarfélag sendi Vestmannaeyjabæ þann 2. júlí sl. erindi þar sem farið er fram á að sveitarfélagið greiði starfsfólki sínu sem starfa eftir samningi Drífanda/SGS slíka eingreiðslu þann 1. ágúst nk. að upphæð kr. 105.000 m.v. fullt starf þann 1. júní sl. og hlutfallslega fyrir lægra starfshlutfall.

Óheimilt að hafa hvers lags afskipti af kjarasamningsgerð

Í bókun bæjarráðs segir að Samband íslenskra sveitarfélaga fari með fullnaðarumboð til kjarasamningagerðar fyrir hönd nær allra sveitarfélaganna í landinu sem felur í sér að sveitarfélögum er óheimilt að hafa hvers lags afskipti af kjarasamningsgerð. Enn fremur skuldbinda sveitarfélögin sig til þess að hlíta markmiðum og stefnu sambandsins í kjaramálum og þeim samningum sem sambandið gerir fyrir þeirra hönd. 

Bæjarráð getur því ekki orðið við erindi Drífanda stéttarfélags þar sem samningsumboð sveitarfélagsins er hjá Sambandi íslenskra sveitarfélaga.  Bæjarráð hvetur samningsaðila að ná saman um samninga hið fyrsta. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.