Undirbúningur Þjóðhátíðar í fullum gangi

17.Júlí'19 | 11:09
IMG_1187

Frá Þjóðhátíð. Ljósmynd/Gunnar Ingi

Mikið er að gerast þessa dagana í undirbúningi Þjóðhátíðar en á mánudag var byrjað að setja upp hátíðina í Herjólfsdal og eru sjálfboðaliðar hvattir til að mæta kl. 20:00 á kvöldin með skrúfvél og góða skapið. 

Í gær opnaði fyrir skráningu á úthlutun lóða í Herjólfsdal og hefur fyrsti dagurinn gengið mjög vel fyrir sig, segir í frétt frá þjóðhátíðarnefnd sem birt er á heimasíðu ÍBV.
 
Þar kemur einnig fram að vandræði hafi verið að tryggja öryggi gangandi vegfarenda á álagstímum við hliðið og því er ætlunin að halda áfram að bjóða upp á sætaferðir frá Íþróttahúsinu á daginn en einnig stendur til að breyta fyrirkomulaginu með bílapassana, en nú fá þeir sem þurfa bætt aðgengi að Dalnum hjá okkur sérstök armbönd. Einnig er verið að skoða með að loka fyrir umferð í og úr dalnum frá kl. 23:45 til 00:45 föstudag, laugardag og sunnudag en við munum gefa frekari upplýsingar um það síðar.
 
Í fyrra var mikið öngþveiti á föstudagskvöldinu í kringum miðasöluna og á að reyna að létta á því álagi með því að vera með opið frá kl. 12:00 á fimmtudaginn 1. ágúst á Básaskersbryggju í Hafnarhúsinu. Opið verður þar til kl. 22:00 um kvöldið og hvetjum þjóðhátíðarnefnd alla til að verða sér út um armbönd þann dag.
 
Í Dalnum verður starfræktur ∅lgarður þar sem við verðum með trúbador frá kl. 19:00-21:00 en garður þessi verður við litla pallinn þar sem litla bjórtjaldið hefur verið. „Erum við með þessu að mæta þörfum gesta okkar þar sem dagskránni í bænum lýkur um kvöldmat en dagskráin á Brekkusviði hefst ekki fyrr en kl. 21:00,” segir í tilkynningu frá Þjóðhátíðarnefnd.
 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.