Eftir Írisi Róbertsdóttur

Til hamingju með helgina!

9.Júlí'19 | 10:24
goslokahatid_2019

Frá hátíðarhöldunum á Skansinum. Ljósmynd/TMS

Hátíðarhöldin um nýliðna helgi voru öllum þeim sem komu að undirbúningi þeirra og framkvæmd til mikils sóma.

Afmælisnefndin vegna 100 ára kaupstaðarafmælis og Goslokanefndin buðu uppá afar fjölbreytta og metnaðarfulla dagskrá. Menning, saga og mannlíf voru í forgrunni og var þetta samantvinnað með skemmtilegum og frumlegum hætti.

Veðrið lék við gesti og allir viðburðir mjög vel sóttir. Mörg þúsund manns sóttu okkur heim og tóku þátt í gleðinni með Eyjamönnum. Afmælisgjöf Vestmanneyjarbæjar til bæjarbúa og gesta voru tvennir frábærir stórtónleikar í Íþróttahúsinu 5. júlí og var nánast  húsfyllir í bæði skiptin.

Margt hefur verið gert á þessu ári til að minnast 100 ára afmælisins og verða fleiri viðburðir á dagskrá út allt árið.

Afmælisnefndinni, Goslokanefndinni, stafsmönnum bæjarins og öllum öðrum sem lögðu hönd á plóginn við þessi glæsilegu hátíðarhöld eru færðar bestu þakkir fyrir afburða frammistöðu. Einnig ber að að þakka öllum þeim frábæru listamönnum sem komu fram og/eða tóku þátt; og síðast en auðvitað ekki síst Eyjamönnum sjálfum og gestum þeirra  sem sóttu alla þessa viðburði í þúsundatali og sáu til þess að gleðin hafði hér öll völd.

 Fyrir hönd Vestmanneyjabæjar: Takk fyrir frábæra helgi sem við getum öll verið stolt af!

 

Íris Róbertsdóttir

Bæjarstjóri

 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla.