„Erum að tala um daga en ekki vikur”

9.Júlí'19 | 11:59
IMG_1809

Enn er þess beðið að nýr herjólfur komist í gagnið. Ljósmynd/TMS

Enn er þess beðið að nýr Herjólfur komist í áætlun, en ferjan kom hingað til Eyja þann 15. júní síðastliðinn. Eyjar.net tók framkvæmdastjóra Herjólfs tali í morgun til að grennslast fyrir um hver staðan sé á málinu.

„Unnið hefur verið að uppsetningu og lagfæringu á ekjubrú í Vestmannaeyjum og Landeyjahöfn. Það hefur legið fyrir frá því að nýja ferjan kom heim að gera þarf lagfæringar á  hafnarmannvirkjum í Vestmannaeyjum, Landeyjahöfn og Þorlákshöfn. Áhersla var lögð á að uppsetning og breyting gæti gengið fyrir báðar ferjurnar. Verkinu miðar ágætlega.” segir Guðbjartur Ellert Jónsson, framkvæmdastjóri Herjólfs ohf.

Þarf að keyra nokkuð á brýrnar með stór farartæki við mismunandi sjávarstöðu

Hann segir nægilegar breytingar hafa verið gerðar í Vestmannaeyjum og í Landeyjahöfn til þess að hægt sé að sigla á þær við mismunandi aðstæður eftir sjávarstöðu. Frekari og endanlegur frágangur er hægt að vinna eftir að búið er að sigla nokkuð á brýrnar og með farartæki.

„Jafnframt þarf að keyra nokkuð á brýrnar með stór farartæki við mismunandi sjávarstöðu en á sama tíma að reyna öll rekstrar- og stjórntæki nýju ferjunnar.”

 

Munum ekki hefja rekstur ferjunnar fyrr en fullljóst er að allt gangi heim og saman

„Meðan lagfæringar hafa staðið yfir hefur tíminn farið í að yfirfara, laga eða breyta því sem nauðsynlega hefur þurft að gera. Að sama skapi eru nokkur atriði sem falla undir ábyrgðatryggingu sem hafa verið skráð og komin í ferli. Þessi atriði eiga ekki að stoppa rekstur ferjunnar en nokkur tími hefur þó farið í að skrásetja þetta og koma til viðeigandi aðila en fjölmargir framleiðendur eiga búnað í nýju ferjunni.

Það er mikil eftirvænting allra að geta hafið rekstur á nýju ferjunni enda öll skírteini og leyfi til staðar en við munum ekki hefja rekstur hennar fyrr en fullljóst er að allt gangi heim og saman og líkur á stoppi verði takmarkað.  Hvenær nákvæmlega ferjan fer undir er ekki hægt að fullyrða en við erum að tala um daga en ekki vikur. Við munum tryggja að það fá allir að frétta af því hvenær við hefjum rekstur – því fyrr því betra og meiri hamingja.” segir framkvæmdastjóri Herjólfs ohf.

Tags

Herjólfur

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).