Afsláttakortin í Herjólf:

Um 1100 inneignir ófrágengnar

- hvetja fólk til að senda inn upplýsingar. - Heildar inneignir voru um 27 milljónir á rétt tæplega 2000 afsláttakortum

5.Júlí'19 | 13:50
herj_lan_landg_farthega

Enn eru um 1100 inneignir ófrágengnar til endurgreiðslu til notenda Herjólfs frá Eimskip/Sæferðum. Ljósmynd/TMS

Í lok mars urðu breytingar á rekstraraðila Herjólfs. Sæferðir/Eimskip hættu þá með reksturinn og við tók opinbert hlutafélag Vestmannaeyjabæjar. Á þeim tímapunkti auglýstu Sæferðir að þeir sem ættu inneignir hjá fyrirtækinu ættu að hafa samband til að fá endurgreiðslu.

Vegagerðin tók þá ákvörðun að þegar nýr rekstraraðili tæki við rekstri Herjólfs yrði leggja af það fyrirkomulag sem verið hefur til fjölda ára a.m.k allt frá því Herjólfur hf. var með reksturinn á sinni könnu þar sem viðskiptamenn keyptu einingar gegn afslætti. Í upphafi var þetta í miðaformi en sl. ár haldið utan um afsláttakortin með rafræmum hætti. Í nýju fyrirkomulagi fá heimamenn afsláttinn strax í stað þess að þurfa að kaupa inneign og leggja fram stóra upphæð.

Búið að endurgreiða um 900 afsláttakort

Við þessa breytingu lágu eftir inneignir einstaklinga á afsláttakortum. Vegagerðin fékk fyrirtækið Sæferðir sem er í eigu Eimskips til að gefa upplýsingar og eftir atvikum endurgreiða viðskiptavinum þeirra inneign.

Eyjar.net lék forvitni á að vita stöðu mála er varðar endurgreiðslur og hafði samband við Gunnlaug Grettisson framkvæmdastjóra Sæferða en hann var áður rekstrarstjóri Herjólfs.

„Endurgreiðslur hafa gengið vel, reyndar fórum við því miður aðeins seinna af stað en ráðgert var en allt innan marka. Heildar inneignir voru um 27 milljónir á rétt tæplega 2000 afsláttakortum. Í dag er búið að endurgreiða um 900 afsláttakort að heildarupphæð um 14 milljónir króna svo betur má ef duga skal. Þegar þetta er skrifað hefur öllum innsendum skeytum verið svarað annað hvort með endurgreiðslu eða tölvupósti í þeim tilfellum sem enginn inneign fannst á viðkomandi nafni og/eða kennitölu. Alls höfum við fengið til okkar um 1300 tölvupósta. Rétt er að benda á að þó Sæferðir hafi tekið þetta verkefnið að sér þá kemur endurgreiðslan til viðskiptamanna á kennitölu Eimskip. Þetta hefur aðeins valdið misskilningi þar sem fólk telur sig ekki hafa fengið endurgreiðslu þar sem ekkert hefur komið frá Sæferðum.” segir Gunnlaugur.

Hvetja fólk til að senda inn upplýsingar

„Enn eru þó um 1100 inneignir ófrágengnar sem við viljum endilega koma í réttar hendur og rétt að nota tækifærið og hvetja fólk til að senda inn upplýsingar á herjolfur@seatours.is með nafni, kennitölu og banka upplýsingum svo hægt sé að kanna stöðuna og endurgreiða ef viðkomandi á inneign.

Eins og áður segir erum við hjá Sæferðum að vinna þetta fyrir Vegagerðina og var settur tímarammi í upphafi 4 mánuðir sem er þá maí til ágúst en að þeim tíma liðnum verður tekin ákvörðun um framhaldið þ.e. hvort tíminn verði lengdur eitthvað kannski einn eða tvo mánuði.” segir Gunnlaugur Grettisson, framkvæmdastjóri Sæferða.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).