Goslokahátíð:

Ringo, Bowie, Davíð Oddsson og fagrar eyjar

- sýning Huldu Hákon og Jóns Óskars í Einarsstofu opnar í dag klukkan 17.30

4.Júlí'19 | 10:52
Hulda-Jon.

Hulda Hákon og Jón Óskar. Ljósmynd/aðsend

Í dag klukkan 17.30 opna Hulda Hákon og Jón Óskar sýningu í Einarsstofu sem þau kalla fjallið eina. Það er ekki í fyrsta skipti sem þau listahjón slá saman en verkin eru eins ólík og þau eru mörg. 

Og þær eru margar persónurnar og náttúrumyndirnar sem birtast í myndum þeirra. Þar koma m.a. við sögu Ringo Starr, David Bowie, Davíð Oddsson og eyjarnar Faxasker og Kolbeinsey lengst í norðri. Ekki stórar en skarta þó mannvirkjum.

Færa vinnustofu sína í Einarsstofu

Það má segja að þau færi vinnustofu sína í Einarsstofu því þar má sjá hvernig verkin verða til og er þetta einkum áberandi hjá Jóni. Hvað er fjallið eina? Þeirri spurningu svarar Hulda en Ringo og Bowie eru miklar hetjur í augum Jóns sem leitar líka í gamlar bíómyndir og plötur Bowie eru aldrei langt undan.

Jón sýnir hvernig verkin hans verða til og er eitt verkið bein tilvitnun í The Searcher, frægan vestra frá 1956. Annað vísar í plötu Bowies, Free Cloud. Líka í illskeittan Íra frá því fyrr á öldum sem skartaði sjö fingrum og hvorri hendi. Það kallar hann SVN FNGRS. Hulda er á öðrum slóðum og ögn jarðbundnari með sín persónulegu verk sem flestir þekkja.

Hundurinn þeirra, Heiða Berlín skipar stóran sess í listsköpun hjónanna

Þýski Schäfer hundurinn þeirra, Heiða Berlín skipar stóran sess í listsköpun hjónanna Huldu og Jóns Óskars. Hulda hefur látið hana fljóta inn í myndir sínar í gegnum tíðina, en Jón Óskar fer aðra leið. Saman eiga þau verk í sýningarskáp. Heiða Berlí III, fór með listamanninum út á Eyju og þau fundu ösku úr Eyjafjallajökli. Saman sköpuðu þau skúlptúra.  Heiða Berlín gróf og bjó til mótið. Jón Óskar steypti í gips. Í bakgrunn skúlptúra Heiðu Berlínar/Jóns Óskars eru verk unnin af honum einum, máluð á krossvið.

Þessi verk eru í sýningarskáp þar sem líka er Fjallið eina, lítið fjölfeldi sem Hulda hefur gert.  Annað fjölfeldi er þarna sem ber titilinn Sofandi draugar ásamt móti af færeyskum fótboltamanni sem fylgist með áhorfendum.

Happafley er viðfangsefni

Líka afsteypa úr gúmmíi  sem Hulda gerði fyrir DV og voru menningarverðlaun blaðsins. Þau voru fjöldaframleidd og þrýstingurinn á mótin við steypuna var 80 tonn. Einnig Bronseldur, umhverfisverðlaun Reykjavíkurborgar þar sem  950 gráða heitt bronsið rann inní mótinu sem eru þarna. 

Sigurður RE 4 og síðar VE 15 var lengi hugstæður Huldu. Í skápnum eru örsmáar akrílmyndir frá 1986, þar sem þetta happafley er viðfangsefnið ásamt Þorsteini húsverði í Hafnarhúsinu í Reykjavík.

Nú stendur yfir yfirlitssýning Huldu í Listasafni Íslands. Henni lýkur 29. september, Jón Óskar var með stóra sýningu á Listasafni Íslands árið 2015 og nú sýnir hann einnig í Eldheimum.

Sýningin opnar eins og áður segir í dag klukkan 17.30 í Einarsstofu í Safnahúsi.

 

Fleiri fréttir af Goslokahátíðinni og 100 ára afmæli Vestmannaeyjabæjar má lesa hér.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-