Nýr Herjólfur kominn með farþegaleyfi

4.Júlí'19 | 07:32
herj_nyr_v_bryggju

Enn er unnið að því að koma nýjum Herjólfi í áætlun á milli lands og Eyja. Ljósmynd/TMS

Samgöngustofa hefur gefið út farþegaleyfi fyrir nýja Herjólf. Það nær til siglinga milli Vestmannaeyja og Landeyjahafnar eða Þorlákshafnar. Einhverjir dagar eru þar til ferjan hefur áætlunarferðir, að sögn Guðbjarts Ellerts Jónssonar, framkvæmdastjóra Herjólfs ohf. 

Frá þessu er greint í Morgunblaðinu í dag. 

Gera á fyrstu prufuna í dag

Guðbjartur segir að lagfæra þurfi ekjubrýr. Gera þarf minni háttar breytingar í Landeyjahöfn og Þorlákshöfn og örlítið meiri breytingu í Vestmannaeyjum þar sem lengja þarf ekjubrúna. Einnig þarf að aðlaga farþegabrýr. Þá þarf að prófa að aka inn í ferjuna háum ökutækjum, t.d. dráttarbílum með gáma, við mismunandi sjávarstöðu. Gera á fyrstu prufuna í dag.

Unnið er að því að gera skipið klárt til að taka á móti farþegum og þjónusta þá. Ekki er búið að setja upp rafhleðslubúnað fyrir skipið í Vestmannaeyjahöfn. Hluti búnaðarins er kominn til landsins og annað er á leiðinni. Guðbjartur gerir ráð fyrir að uppsetning og tenging búnaðarins verði fljótlega boðin út og að verklok verði í september. Ferjan mun því keyra á rafmagni frá ljósavélum til að byrja með.

Fleiri sæti en færri kojur

Farþegaleyfið heimilar að nýja ferjan flytji allt að 540 farþega í hverri ferð milli Landeyjahafnar og Vestmannaeyja yfir sumarið. Sá Herjólfur sem nú er í notkun má flytja mest 517 farþega á sömu leið og sama tíma. Þetta er því aukning um 23 farþega í hverri ferð.

Nýja ferjan má flytja allt að 400 farþega þegar siglt er í Þorlákshöfn að vetri. Eldri ferjan má ekki flytja nema 288 farþega til og frá Þorlákshöfn að vetri.Guðbrandur segir að farþegaleyfið taki mið af því á hvaða hafsvæði er siglt, hve björgunarför geta borið marga, þótt það stærsta komi ekki að notum, og einnig er tekið tillit til þess yfir veturinn hvað eru mörg sæti fyrir farþega innandyra. Í nýju ferjunni eru 400 sæti og 32 kojur en í þeirri gömlu eru 288 sæti og 90 kojur. 

Báðar ferjurnar til farþegaflutninga um Þjóðhátíð?

Þá er haft eftir Guðbjarti í umfjöllun Morgunblaðsins að það til skoðunar sé að nota báðar ferjurnar til farþegaflutninga um Þjóðhátíðina. Endanleg ákvörðun hefur þó ekki verið tekin.  

Nánar er fjallað um nýju ferjuna og farþegaflutninga á milli lands og Eyja í Morgunblaðinu í dag.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).