Jómfrúarferð Herjólfs IV í Landeyjahöfn

25.Júní'19 | 07:57
nyr_herjolfur_lan_vegagerd

Herjólfur IV í Landeyjahöfn. Ljósmynd/Vegagerðin

Herjólfur IV sigldi í fyrsta sinn í Landeyjahöfn föstudaginn 21. júní. „Tilgangur ferðarinnar var að sigla í höfnina í fyrsta skipti og sjá hvernig það passar við hafnarmannvirkin í Landeyjahöfn,“ segir Ívar Torfason fyrsti skipstjóri Herjólfs. 

Ferðin gekk mjög vel enda gátu aðstæður vart verið betri. Siglingin gekk eins og áætlanir gerðu ráð fyrir og þær breytingar sem þarf að gera á hafnarmannirkjum eru smávægilegar. Frá þessu er greint á vef Vega­gerðar­inn­ar.

Þá er haft eftir Ívari að spennandi sé sigla hinu nýja skipi enda sé það skemmtilegt og öflugt. Engin leið sé að bera saman því að sigla nýja og gamla Herjólfi. „Þeir eiga í raun ekkert sameiginlegt. Það er alveg gerólík nálgun að sigla hinu nýja skipi enda allt annar stjórnbúnaður. Þú þarft í raun að henda öllu sem þú kannt og byrja upp á nýtt," segir hann glettinn.

Áhöfn Herjólfs IV heldur áfram að æfa sig næstu daga og vikur. Til dæmis þarf að sjá hvernig er að sigla skipinu í verra veðri. „Skipið ristir minna, er léttara og því finnur maður meira fyrir vindi,“ lýsir Ívar.

Ekki er komin föst tímasetning á hvenær skipið siglir sína fyrstu ferð með farþega. Áhöfnin þarf tíma til að æfa sig og þjálfa en auk þess þarf að gera einhverjar breytingar á hafnarmannvirkjum í Vestmannaeyjum.

Myndband af Herjólfi IV að sigla inn í Landeyjahöfn í fyrsta sinn má finna hér að neðan. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-