Mat á umhverfisáhrifum sorpbrennslu

Fremur fáir fuglar nýta svæðið

25.Júní'19 | 06:57
sorpusv

Athafnarsvæði Kubbs í Eyjum. Ljósmynd/TMS

Mat á umhverfisáhrifum sorpbrennslu var tekið fyrir á síðasta fundi framkvæmda- og hafnarráðs. Þar kom fram að fyrir liggi úttekt Náttúrustofu Suðurlands á fuglalífi umhverfis fyrirhugaða sorporkustöð í Vestmannaeyjum. 

Gerð var úttekt á fuglalífi á 100 m breiðu belti umhverfis lóð fyrirhugaðar sorporkustöðvar 20. og 23. maí 2019 og einnig 29. desember 2018. Svæðið er 15,9 hektarar að stærð.

Fimm fuglategundir verpa í kraganum, en enginn þeirra er á válista Náttúrufræðistofnunar Íslands. Samtals eru þetta 17 varppör, Þéttleiki er svipaður og algengt er hérlendis. Sjö fuglategundir nýta heildarsvæðið að vori og sumarlagi fyrst og fremst til fæðuöflunar og þar af þrjár sem eru flokkaðar í hættu á Válista: Silfurmáfur, hvítmáfur og hrafn. Einstaklingsfjöldi þeirra er hinsvegar lítill og bundinn við athafnasvæðið en ekki kragann.

Fimm tegundir nýta svæðin eingöngu að vetrarlagi, þar af þrjár á Válista: Svartbakur, snjótittlingur og fálki, en þær eru fáliðaðar nema snjótittlingarnir, en mikil áraskipti eru í fjölda þeirra og geta þeir komið í hundraðatali í jarðbönnum. Silfurmáfur er algengastur máfa að vetri og mun algengari en að sumri, og telur nokkra tugi. Samantekið nýta fremur fáir fuglar svæðið vegna lítillar stærðar þess.
 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Bók Bjarna í Bónus

2.Desember'19

Nú er hægt að kaupa bók Bjarna Jónassonar „Að duga eða drepast” í Bónus, Vestmannaeyjum. Að duga eða drepast lýsir lífshlaupi Bjarna Jónassonar, flugmanns og útvarpsstjóra í Vestmannaeyjum.