Báðar ferjur eiga að geta siglt á hafnirnar eftir lagfæringu

24.Júní'19 | 14:04
IMG_1792

Gert er ráð fyrir að koma nýju ferjunni í rekstur fyrir mánaðarmót. Ljósmyndir/TMS

Að ýmsu þarf að huga áður en ný ferja kemst í áætlun á milli lands og Eyja. Eyjar.net ræddi við Guðbjart Ellert Jónsson, framkvæmdastjóra Herjólfs ohf. um hvað þurfi til og eins hvenær megi búast við að fá ferjuna í áætlun.

„Áður en Herjólfur sigldi frá Póllandi var búið að undirbúa leyfismálin og hafa þau verið í vinnslu síðan. Mikið af þessu er komið í hús en þó vantar að klára eitthvað. Þessar umsóknir hafa legið inni og eru unnar í mikilli og góðri samvinnu hlutaðeigandi aðila. Gert er ráð fyrir að öll leyfi liggi fyrir undir og fyrir lok mánaðarins.” segir Guðbjartur Ellert.

Fyrir liggur hvað þarf að gera

Hann segir að prófanir hafi verið framkvæmdar þ.e. siglt hefur verið á ekjubrýr í Vestmannaeyjum og Landeyjahöfn. „Það var mikilvægt að fá nákvæmar upplýsingar um afstöðu ferjunnar á ekjubrúnum þannig að hægt sé að aðlaga þær að nýju ferjunni en að sama skapi að tryggja að eldri ferja gæti nýtt þær líka.  

Fyrir liggur að gera þarf breytingar á báðum stöðum. Það þarf að gera aðeins meiri breytingu í Vestmannaeyjum sem mun taka um viku tíma en lagfæring í Landeyjahöfn er minni háttar. Báðar ferjur eiga að geta siglt á hafnirnar eftir lagfæringu. Mælingarnar ganga annars vegar út á að mæla og tryggja afstöðu ekjubrúa og hins vegar að mæla og tryggja afstöðu landgöngubrúa. Nú er búið að taka afstöðu og mælingar á þessu og fyrir liggur hvað þarf að gera.”

Er Guðbjartur er spurður útí framkvæmdir í Þorlákshöfn segir hann að eftir eigi að skoða ekjubrúnna þar. „Hún er eins og brúin í Landeyjum – gerum ekki ráð fyrir miklum breytingum á henni. Það þarf að taka rekkverk af henni og laga aðeins jaðrana – eins og gert verður í Landeyjum. Frekar lítil aðgerð og þægileg. Annað breytist ekki þ.e. landgöngubrúin.”

Prófanir hafa gengið vel

Þá segir Guðbjartur Ellert að jafnframt sé unnið að prófunum í sjálfri ferjunni þ.e. á búnaði, tækjum og öllum kerfum. „Í þessari viku verður svo farið í frekari siglingar þar sem reynt verður á alla innviði. Prófanir hafa gengið vel.

Það var draumur að reyna að ná nýju ferjunni í rekstur fyrir Orkumót en nú er fyrirséð að það tekst ekki.  Gert er ráð fyrir að koma nýju ferjunni í rekstur fyrir mánaðarmót ef allt gengur eftir sem liggur fyrir.” segir framkvæmdastjóri Herjólfs ohf.

bilabru_herjolf

Ekjubrúin í Eyjum

landgangur_eyjar

Landgöngubrúin í Eyjum

herj_landey

Gamli Herjólfur í Landeyjahöfn

Tags

Herjólfur

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%