Dagskrá Þjóðhátíðar að taka á sig mynd

20.Júní'19 | 09:57

Hápunktar Þjóðhátíðar eru ávallt brennan, flugeldasýningin og brekkusöngurinn. Ljósmynd/Gunnar Ingi

Það styttist heldur betur í Þjóðhátíðina. Dagskrá hátíðarinnar er að vanda vegleg og enn er verið að vinna í að bæta inn í dagskrána. Lítum á þau atriði sem að hafa nú þegar verið tilkynnt á Þjóðhátíð 2019.

Auðunn Blöndal, Sverrir Bergmann og DJ Muscleboy, einnig þekktur sem Egill Einarsson, munu stíga á svið laugardaginn 3. ágúst og trylla lýðinn í dalnum. Þeir verða þó ekki einir heldur munu leynigestir fylgja þríeykinu.

Bræðurnir úr Hafnarfirði og góðvinir Eyjanna og Þjóðhátíðar Friðrik Dór og Jón Jónssynir ætla heldur ekki að láta sig vanta í dalinn fyrstu helgina í ágúst.

Þá verða í dalnum á hátíðinni GDRN, Club Dub, GRL PWR, Flóni, Egill Ólafs, Svala Björgvins, Herra Hnetusmjör og Bjartmar Guðlaugsson en Bjartmar samdi þjóðhátíðarlagið í ár og ber það nafnið Eyjarós.

Þá eru ótaldir Huginn, JóiPxKróli // SZK // Lukku Láki - Flóni - Á Móti Sól auk þess sem boðið verður uppá Aldamótatónleikana.

Heimasíða Þjóðhátíðar er dalurinn.is. Þar má kaupa miða á hátíðina.