Hildur Sólveig Sigurðardóttir skrifar:

Ævintýralegur dagur í sögu Vestmannaeyja

19.Júní'19 | 14:45
mjaldrar_you_tube

Litla Grá og Litla Hvít

Í dag er merkisdagur fyrir Vestmannaeyjar þegar Litla Grá og Litla Hvít munu flytjast búferlum til Vestmannaeyja og dvelja til framtíðar í griðarstað hvala í Klettsvík.

Ótrúlegt en satt

Verkefnið sem var leitt áfram hjá Vestmannaeyjabæ af þáverandi bæjarstjóra og formanni bæjarráðs, Elliða Vignissyni og Páli Marvin Jónssyni virtist í upphafi of gott til að vera satt. Þeir félagar náðu samningum við við erlent stórfyrirtæki í skemmtanaiðnaði, Merlin Entertainment, breskt fyrirtæki sem er það næststærsta í heiminum á eftir Disney, um uppbyggingu sædýrasafns og griðarstaðar hvala. Mikil samstaða og traust var í bæjarstjórn um verkefnið sem halda þurfti mikinn trúnað um á fyrstu metrunum, þó væntanlega hefði enginn trúað slíkum fregnum á sínum tíma, enda áttum við sjálf erfitt með það.

 

Einstakt dýravelferðarverkefni á heimsvísu

Í dag er afrakstur mikillar vinnu, samningagerðar og undirbúnings loksins að líta dagsins ljós og hafa fjölmargir komið að þessu sögulega og einstaka verkefni í sögu dýravelferðar á alþjóðavísu. Tækifærin í tengslum við verkefnin og afleidd áhrif verða mikil fyrir samfélagið og væntanlega ómetanleg en nú þegar hefur verkefnið skapað fjölmörg störf við að koma safninu, hvalalauginni og kvínni í gagnið.

 

Sérstaða Vestmannaeyja styrkist enn frekar

Vestmannaeyjar verða einn af fáum stöðum, hugsanlega sá eini í heiminum þar sem að þú getur séð hval, klappað lunda og gengið á eldfjöll í sömu heimsókninni. Ég óska þeim þeim sem komið hafa að verkefninu með einum eða öðrum hætti innilega til hamingju með daginn, ég óska Vestmannaeyingum og landsmönnum öllum innilega til hamingju með nýju íbúana og veit að þeim verður einstaklega vel tekið.

 

Hildur Sólveig Sigurðardóttir

Bæjarfulltrúi Sjálfstæðisflokksins í Vestmannaeyjum

 

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).