Hildur Sólveig Sigurðardóttir, Helga Kristín Kolbeins og Trausti Hjaltason skrifa:

Slysavarnaskóli sjómanna flytji höfuðstöðvar sínar til Vestmannaeyja

8.Júní'19 | 11:19
IMG_0832

Í umræðunni er að Vestmannaeyjaferjan Herjólfur henti vel til afnota fyrir Slysavarnaskóla sjómanna. Ljósmynd/TMS

Í Morgunblaðinu í dag er bent á að Vestmannaeyjaferjan Herjólfur henti vel til afnota fyrir Slysavarnaskóla sjómanna þegar ferjunni verður skipt út fyrir nýja sem er væntanleg á næstu dögum og að ráðamenn séu nokkuð velviljaðir hugmyndinni. 

Sæbjörgin er komin til ára sinna og þörf er á nýju hentugu skólaskipi.

Herjólfur verður áfram í Vestmannaeyjum

Í samningum vegna yfirtöku reksturs Herjólfs ohf. var tryggt að gamli Herjólfur sem er kominn vel til ára sinna en hefur reynst Vestmannaeyjum einstaklega vel verði áfram til taks í Eyjum fyrstu tvö árin og ljóst að ferjan mun áfram sinna þörfum Vestmannaeyinga.

Slysavarnaskóli sjómanna verði staðsettur í Vestmannaeyjum

Bæjarfulltrúar Sjálfstæðisflokksins lýsa sig jákvæða gagnvart því að ferjan verði á einhverjum tímapunkti nýtt fyrir slysavarnaskóla sjómanna með því skilyrði þó að starfsemi skólans og höfuðstöðvar verði í Vestmannaeyjahöfn. Sú ráðstöfun væri bæði skynsamleg og í takt við stefnu stjórnvalda, bæði sökum hlutfallslegrar stærðar fagstéttarinnar í samfélaginu og nálægðar við útgerð og vinnslu. Það er í takt við Byggðastefnuna að fjölga opinberum störfum á landsbyggðinni, eykur fjölbreytileika atvinnulífs í Vestmannaeyjum ásamt því að hægt er að nýta öfluga fræðasamfélagið í Eyjum með verkefninu, bæði til kennslu og e.t.v. nýsköpunar og framþróunar fræðslunnar.

Eðlileg mótvægisaðgerð vegna loðnubrests

Samfélagið í Vestmannaeyjum var fyrir þungu höggi þegar að loðnubrestur varð staðreynd og hefur mikil afleidd áhrif á atvinnulíf í Vestmannaeyjum. Mörg dæmi eru um að stjórnvöld grípi inn í og bregðist við slíkum áföllum, bæði eru fyrri dæmi um það í Vestmannaeyjum í tengslum við fyrri alvarlega aflabresti og nú nýlegar mótvægisaðgerðir ríkisstjórnarinnar í tengslum við fall flugfélagsins WOW. Flutningur starfsemi skólans til Vestmannaeyja gæti farið vel sem hluti af slíkum mótvægisaðgerðum

Undirrituð munu gera það að opinberri tillögu sinni á næsta fundi bæjarstjórnar Vestmannaeyja að komi til þess að Herjólfur verði nýttur sem skólaskip slysavarnaskóla sjómanna verði höfuðstöðvar og starfsemi skólans staðsettur í Vestmannaeyjum og þannig stuðla að fjölgun opinberra starfa á landsbyggðinni líkt og felst í byggðastefnu stjórnvalda.

 

Bæjarfulltrúar Sjálfstæðisflokksins í Vestmannaeyjum

Helga Kristín Kolbeins

Hildur Sólveig Sigurðardóttir

Trausti Hjaltason

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).