Með augastað á Herjólfi

8.Júní'19 | 09:37
IMG_4217-001

Herjólfur siglir hér til Eyja. Ljósmynd/TMS

Í umræðunni er að Vestmannaeyjaferjan Herjólfur henti vel til afnota fyrir Slysavarnaskóla sjómanna þegar ferjunni verður skipt út fyrir nýja sem er væntanleg á næstu dögum. 

Málið hefur verið rætt óformlega af forsvarsmönnum skólans við ráðamenn. Þeir taka erindinu ekki fjarri, þótt engu hafi verið slegið föstu, segir í frétt í Morgunblaðinu í dag.

Þar er haft eftir Hilmari Snorrasyni skólastjóra að Herjólfur gæti hentað skólanum vel og hafi forsvarsmenn skólans því haft augastað á skipinu. „Um borð í skipinu eru meðal annars stór salarkynni og ýmis rými sem henta starfsemi okkar,” segir hann.

Næstu tvö árin verður gamla ferjan þó áfram til taks í Eyjum

Nýr Herjólfur tekur við áætlunar siglingum milli lands og Eyja síðar í sumar. Næstu tvö árin verður gamla ferjan þó áfram til taks, svo sem á álagstímum og til siglinga í Þorlákshöfn ef ekki gefur fyrir nýja skipið í Landeyjahöfn. „Ég er jákvæður fyrir því að slysavarnaskólinn fái skipið og málið hefur verið nefnt við ráðherra,” sagði Sigurður Ingi Jóhannsson samgönguráðherra í samtali við Morgunblaðið. Tiltók þó að málið hefði enn ekki verið tekið til formlegrar umfjöllunar en þörfin á að bæta aðstöðu Slysavarnaskóla sjómanna væri ráðamönnum kunn. 

 

Nánari umfjöllun um málið er í Morgunblaðinu í dag

Tags

Herjólfur

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is

Fjölskylda óskar eftir gistiaðstöðu á Þjóðhátíð

13.Júní'19

Fjögurra manna fjölskylda með djúpar Eyjarætur óskar eftir gistiaðstöðu frá fimmtudegi til mánudags á Þjóðhátíð. Um er að ræða hjón með tvö ung börn. Nánari upplýsingar hjá Þórlindi í síma 822 8968.