Hildur Sólveig Sigurðardóttir, Helga Kristín Kolbeins og Trausti Hjaltason skrifa:

Kaldar kveðjur

31.Maí'19 | 22:19
baejarf_d_2019

Hildur Sólveig Sigurðardóttir, Helga Kristín Kolbeins og Trausti Hjaltason

Eitt af stærstu verkefnum Sjálfstæðisflokksins á síðasta kjörtímabili sem komst til framkvæmda með góðri samvinnu við Eyjalistann var án efa yfirtaka Vestmannaeyjabæjar á rekstri Herjólfs. 

Það mikla framfaraskref fyrir samfélagið tryggði mun tíðari ferðir eða 7 ferðir á dag til Landeyjahafnar alla daga ársins og að siglt yrði á stórhátíðardögum. Auk þess fá bæjarbúar nú tafarlaust 50% afslátt af fargjöldum án þess að þurfa að leggja inn tugþúsundir og allur hagnaður rekstursins mun fara í að auka þjónustu eða lækka fargjöld til farþega.

Kaldar kveðjur til fyrrverandi formanna

Á árlegum aðalfundi Herjólfs ohf. sem fram fór í dag var reynslumestu stjórnarmeðlimunum þeim Lúðvíki Bergvinssyni og Grími Gíslasyni, vikið úr stjórninni af meirihluta H- og E- lista, tveimur fyrrverandi formönnum stjórnar Herjólfs ohf. sem leitt hafa verkefnið áfram og þekkja, án þess að á aðra sé hallað, eðli og umfang verkefnisins einna best enda sátu þeir ásamt Páli Guðmundssyni í stýrihóp fyrir Vestmannaeyjabæ sem sá um samningagerð við Vegagerðina og undirbúning yfirtöku rekstursins. Undirrituð telja það ekki bera hagsmuni verkefnisins fyrir brjósti þegar slík þekking og reynsla er virt að vettugi í verkefni sem er áætlað til tveggja ára.

Sjálfstæðisflokkurinn kýs stöðugleika

Það kom verulega á óvart að bæjarstjóri, sem heldur á eina hlutabréfi félagsins, hafi ekki staðið upp á fundinum, rætt mikilvægi verkefnisins og framtíðarsýn þess, né þakkað formlega á fundinum fráfarandi stjórnarmönnum sem hafa lagt ómælda ósérhlífna vinnu í verkefnið bæði við undirbúning yfirtökunnar og að koma verkefninu í framkvæmd. Slíkt er óásættanlegt gagnvart þeim einstaklingum sem hafa lagt mikið af mörkum við að bæta samgöngur við Vestmannaeyjar, eitt stærsta hagsmunamál okkar. Sjálfstæðisflokkurinn í Vestmannaeyjum hefur ávallt borið fullt traust til stjórnarmeðlima og kosið að gera engar breytingar á kjöri á sínum stjórnarmönnum, enda er stöðugleiki einmitt það sem verkefnið þarf. Að því sögðu væntum við mikils af störfum stjórnarmeðlima í því umfangsmikla verkefni sem þeir hafa fyrir höndum og megi þeir allir bera gæfu til að vinna ötullega að hagsmunum samfélagsins, Vestmannaeyingum öllum til heilla. Grími Gíslasyni og Lúðvíki Bergvinssyni færum við ómældar þakkir fyrir þeirra ómetanlega framlag til samgöngumála í Vestmannaeyjum um leið og við óskum þeim velfarnaðar í sínum framtíðarstörfum.

 

Bæjarfulltrúar Sjálfstæðisflokksins í Vestmannaeyjum

 

Hildur Sólveig Sigurðardóttir

Helga Kristín Kolbeins

Trausti Hjaltason

 
 

Tags

Herjólfur

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).