Bjartmar semur þjóðhátíðarlagið í ár

31.Maí'19 | 11:08
bjartmar_ads

Bjartmar Guðlaugsson. Ljósmynd/aðsend

Hinn ástsæli tónlistarmaður Bjartmar Guðlaugsson mun semja og syngja þjóðhátíðarlagið í ár. Þetta var til­kynnt í dag en lagið ber nafnið Eyj­arós og tileink­ar Bjart­mar lagið öll­um þeim sem hafa fundið ást­ina á Þjóðhátíð í Eyj­um. 

Þrjá­tíu ár eru síðan Bjart­mar samdi síðast Þjóðhátíðarlag en það var text­inn við lagið „Í brekk­unni” sem hann samdi með Jóni Ólafs­syni. Eyj­arós verður frum­flutt í byrj­un júní á öll­um helstu út­varps­stöðvum og því nóg­ur tími fyr­ir Þjóðhátíðargesti til að læra text­ann til að geta sungið sem hæst með í Herjólfs­dal.  

„Ég var valinn í þetta hlutverk og ég er alveg ofsalega ánægður með það. Þannig að ég bara settist niður og fór að semja. Ég er alveg ótrúlega þakklátur og hamingjusamur með að hafa verið valinn í þetta,“ segir Bjartmar. Frá þessu er greint á vef Fréttablaðsins.

Bjartmar segir að það verði lítið um rapp í laginu.

„Mér finnst rappið æðislegt þegar það kemur að ljóðaforminu, en nei, ég læt mér bara nægja að hlusta og horfa á aðra þegar kemur að því,“ svarar Bjartmar hlæjandi.

Bjartmar segist hafa gaman af því að unga kynslóðin sé að sýna tónlist hans meiri og meiri áhuga,

„Mér finnst það skemmtilegt og alveg ótrúlega gaman að upplifa hvernig unga fólkið er meira að hlusta á lögin mín. Ég er búinn að vera að spila stanslaust síðan 2010. Ég tók mér þar áður nokkurra ára hlé þar sem ég var mest að sinna myndlistinni.“

Þjóðhátíðin í Vestmannaeyjum verður haldin dagana 1.-3. ágúst. Nánara viðtal við Bjartmar má lesa hér.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-