Merkilegur fulltrúi árabáta-aldanna

- sýningin er opin á virkum dögum kl. 08-17

20.Maí'19 | 13:36
Farsæll - sýning[211456]

Ljósmynd/aðsend

Á föstudaginn sl. opnuðu Sagnheimar nýja sýningu á jarðhæð Þekkingarsetursins, Ægisgötu 2. Þar hefur sexæringnum Farsæli, byggður 1872, verið komið fyrir sem minnisvarða árabátanna ásamt sögu hans og mynd af gamla Skipasandinum frá 1907.

Farsæll var byggður í Landeyjum árið 1872 og var upphaflega fjórróinn en síðan breytt í sexæring. Þorsteinn Víglundsson bjargaði bátnum til Eyja árið 1956. Einar í Betel reddaði flutningi frá Landeyjum og Helgi í Ben sá síðan um að flytja hann hingað með Skaftfellingi. Fyrst var honum komið fyrir uppi á lofti í Gagnfræðaskólanum þar sem Eggert Ólafsson bátasmiður og fleiri dittuðu að honum.

Árið 1978 kom hann síðan inná Byggðasafn Vestmannaeyja í Safnahúsi. Við breytingar á safninu árið 2011 var Farsæli komið fyrir í Fiskiðjunni og síðan úti á Skipasandi hinum nýrri.

Einn merkasti gripur safnsins

Við eftirlit Sambands íslenskra sjómannasafna sl. ár var safnstjóra bent á að Farsæll væri merkilegur fulltrúi árabáta-aldanna og líklega einn af elstu bátunum sem enn væri til hér á landi. Hér væri því líklega um einn merkasti gripur safnsins og hann lægi undir verulegum skemmdum þar sem hann væri nú.

Hafist var þá handa með aðstoð Vestmannaeyjabæjar, Safnaráðs og fleiri góðra manna að reyna að bjarga bátnum. Honum hefur nú verið komið fyrir á jarðhæð Þekkingarseturs og er því sem næst staðsettur þar sem Skipasandurinn gamli var. Vegginn fyrir aftan hann prýðir gömul mynd frá Skipasandinum sem tekin var árið 1907 og var í eigu Þjóðminjasafns.

Ívar Gunnarsson bátasmiður hefur séð um að meðhöndla Farsæl eftir öllum kúnstarinnar reglum enda báturinn aldursfriðaður og mikilvægt að reyna að stoppa frekari hrörnun. Sæþór Vídó sá um hönnum bakmyndar. Maggi skóstar um prentun. Magnús Bragason um teikningar og útfærslu.

Verkefnið er hluti af 100 ára kaupstaðaafmæli Vestmannaeyjabæjar. Hér að neðan má sjá myndband sem Halldór B. Halldórsson tók við opnun sýningarinnar. 

 

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Þjóðhátíðartjald til sölu

16.Október'20

Er með til sölu þjóðhátíðartjald með innbúi. Þrír bekkir, kommóða og borð fylgir með, auk skrauts. Verð 300.000,- Nánari upplýsingar veitir Viktor í síma 845-0533.  

Tilboð á gistingu á Brú Guesthouse

21.Ágúst'20

Brú Guesthouse býður tilboð á gistingu á til áramóta. Gisting í smáhýsi fyrir 2.  9.900,- kr. nóttin. 2.000 kr fyrir auka gest. Húsin rúma 4 gesti. 
Stærra hús 12.900 kr. nóttin og 2.000 fyrir auka gest. Upplýsingar á Info@bruguesthouse eða í síma 659-4005.
 

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-