Fréttatilkynning:

Héldu vorhátíð og færðu Hraunbúðum góðar gjafir

13.Maí'19 | 07:10
DSC_5924

Samtökin afhentu m.a gasgrill til Hraunbúða í gær. Ljósmynd/ÓPF

Í gær héldu Hollvinasamtök Hraunbúða sína árlegu vorhátíð á Hraunbúðum. Vorhátíðin er hátíð heimilisfólks og fjölskyldna þeirra og í ár var mjög góð mæting.   

Um leið afhentu samtökin formlega glæsilegt Bose hljóðkerfi frá Origo, sem lagði sitt lóð á vogarskálarnar og þökkum við Origo kærlega fyrir það.  Einnig vígðum við nýtt og glæsilegt gasgrill, en samtökin höfðu samband við Húsasmiðjuna, þar sem gömlu grillin á Hraunbúðum voru orðin úr sér gengin og gaf fyrirtækið Hollvinasamtökunum, nýtt grill, sem samtökin afhentu að sjálfsögðu beint til Hraunbúða. 

Þá sögðum við einnig frá því að nýlega keyptu samtökin fjórar nýjar dýnur í rúm á Hraunbúðum, sem var algjör nauðsyn, því gömlu dýnurnar voru orðnar þreyttar og pössuðu heldur ekki lengur í þau rúm sem þær voru í.  Sú ábending kom frá Alzheimersamtökunum í Eyjum og viljum við hvetja aðstandendur heimilisfólks og alla aðra til að senda okkur ábendingar um það sem betur má fara og eða getur hjálpað til við að gera þetta góða heimili enn betra.

Fjölmennasta hátíðin hingað til

En fyrst og fremst komum við saman til að hafa gaman, borða SS pylsur og meðlæti, ásamt gosi og ís í eftirrétt.  Börnin fengu andlitsmálningu og Jarl Sigurgeirs og Una Þorvalds vígðu síðan nýja hljóðkerfið og tóku nokkur yndisleg Eyjalög.  Viljum við þakka þeim og SS, Eyjabakaríi og heildverslun Karls Kristmanns fyrir þeirra stuðning við vorhátíðina og ítreka þakkir okkar til Origo og Húsamiðjunnar fyrir þeirra myndarlega framlag.

Um leið ítrekum við þakkir okkar til allra sem komu á hátíðina, sem var sú lang fjölmennasta hingað til. 

Að lokum viljum við benda á að ef einhver vill koma að starfinu, hjálpa okkur við að bjóða heimilisfólki í bíltúr eða taka rúnt á fína hjólinu, er um að gera að hafa samband við Hollvinasamtökin á Facebook. Þetta er nærandi og gefandi, því lofum við ykkur. 

Einnig viljum við benda öllum, bæði fyrirtækjum og einstaklingum, sem vilja styrkja Hollvinasamtök Hraunbúða að hafa samband við okkur á Facebook eða beint til formanns í tölvupósti, hallda78@gmail.com.

Um leið þökkum við öllum sem styrkt hafa samtökin á umliðnum árum fyrir þeirra mikilvæga framlag. Án ykkar væri þetta ekki hægt, segir í tilkynningu frá stjórn Hollvinasamtakanna.

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Viðhorfskönnun til samgangna og bæjarmála

2.Nóvember'18

Áhugavert efni - Hér getur þú skoðað viðhorfskönnun til samgangna og bæjarmála í Vestmannaeyjum sem Eyjar.net lét gera í október 2018.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.