Landeyjahöfn aðeins einu sinni opnað seinna en í ár

það var að afloknum fyrsta vetrinum eftir að höfnin opnaði

2.Maí'19 | 08:03
fani_gali_landey

Galilei 2000 við dælingu í hafnarmynninu í Landeyjahöfn. Ljósmynd/TMS

Í dag siglir Herjólfur í fyrsta sinn á þessu ári til Landeyjahafnar. Ef rýnt er í opnunardag hafnarinnar á þessum níu árum síðan fyrst var siglt í höfnina má sjá að aðeins einu sinni hefur Landeyjahöfn opnað seinna en í ár. Það var eftir fyrsta veturinn, árið 2011, þá hófust siglingar 4. maí*.

Í Kastljósi á mánudaginn sagði Bergþóra Þorkelsdóttir, forstjóri Vegagerðarinnar að veðrið þetta vor hafi ekki valdið vandræðum ef það hefði verið líkt og í fyrra. Hún sagði að nú séu fordæmalausar erfiðar aðstæður í höfninni. Þá sagði Bergþóra að forverar Björgunar sem unnu að viðhaldsdýpkun hafnarinnar, Jan de Nul hefðu varla komist inní höfnina nú í ár með skipið sem það notaði. Engu að síður tókst þeim að opna höfnina í mars og apríl árin þrjú sem fyrirtækið vann við höfnina.

En lítum á nokkrar staðreyndir frá veru hollenska fyrirtækisnins Jan de Nul við vinnu við höfnina, en fyrirtækið sinnti viðhaldsdýpkun sl. þrjú ár í Landeyjahöfn.

  • Árið 2016 hófu þeir dýpkun 24/2 og opnuðu þeir höfnina þann 15/4. Tímabilið sem Jan de Nul átti að dýpka var í svokallaðri vor-dýpkun 15/2 - 15/5. Í þessum glugga dældu þeir 350.000 má 42 dögum.
  • Árið 2017 hófu þeir dýpkun 15/2 og opnuðu þeir höfnina þann 7/3. Tímabilið sem Jan de Nul átti að dýpka var í svokallaðri vor-dýpkun 15/2 - 15/5. Í þessum glugga dældu þeir einnig 350.000 má 44 dögum.
  • Árið 2018 hófu þeir dýpkun 1/3 og opnuðu þeir höfnina þann 5/3. Tímabilið sem Jan de Nul átti að dýpka var í svokallaðri vor-dýpkun 15/2 - 15/5. Í þessum glugga dældu þeir 400.000 m2 á 51 degi.

Fyrirtækið Björgun sinnti dýpkun í höfninni árin á undan. Árið 2015 opnaði höfnin þann 1. maí. 2014 opnaði hún þann 4. mars.

Árið 2013 opnaði höfnin þann 19/3 og árið 2012 opnaði Landeyjahöfn 10/4. Eftir fyrsta veturinn eftir að Landeyjahöfn opnaði hófust siglingar hins vegar í höfnina þann 4/5, það var árið 2011*.

*Uppfært: Siglt var í byrjun árs 2011 til Landeyjahafnar, en svo lokaði höfnin í 4 mánuði.

Lumar þú á grein?

11.Janúar'19

Endilega sendu okkur hana á eyjar@eyjar.net. Eyjar.net - fyrir alla. 

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.