Uppfærð frétt:

Segir Vegagerðina hafa rift samningum við pólsku skipasmíðastöðina

- umboðsmaður Crist S.A segir innköllun bankaábyrgða jafngilda uppsögn samnings

30.Apríl'19 | 11:42
herj_ny_0219-001

Ný Vestmannaeyjaferja verður væntanlega seldur öðrum. Ljósmynd/aðsend

Samkvæmt heimildum Eyjar.net hefur Vegagerðin rift samningnum við pólsku skipasmíðastöðina Crist S.A vegna deilna um lokauppgjör vegna smíði ferjunnar. Samkvæmt sömu heimildum mun því næsta skref vera hjá skipasmíðastöðinni að markaðsetja skipið til sölu.

Björgvin Ólafsson, umboðsmaður skipasmíðastöðvarinnar staðfestir við Eyjar.net að ríkið hafi gert kröfu á endurgreiðslu úr ábyrgðinni, sem þýði í raun að ríkið sé að rifta samningum. Skipið fer nú í söluferli.

G. Pétur Matthíasson, upplýsingafulltrúi Vegagerðarinnar segist ekkert geta sagt um málið á þessu stigi. 

Vegagerðin segir samningum ekki hafa verið rift

Uppfært kl. 12.22

Í tilkynningu frá Vegagerðinni segir að Vegagerðin hafi ekki rift samningnum við skipasmíðastöðina Crist S.A.

Vegagerðin hefur hins vegar innkallað bankaábyrgðir sem annars myndu renna út í dag og höfðu ekki verið framlengdar. Í dag kemur í ljós hvort skipasmíðastöðin framlengir ábyrgðirnar en viðræður við þá eru í gangi og ekki hægt að tjá sig um gang mála í þeim. Vegagerðin átti engan annan kost en innköllun ábyrgða til að tryggja stöðu sína, segir jafnframt í tilkynningunni.

 

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Fréttaskot - Eyjar.net

31.Janúar'18

Ertu með athyglisverða ábendingu eða frétt?
Sendu okkur línu á eyjar@eyjar.net - Fyllsta trúnaðar gætt.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%