Kveður Vinnslustöðina eftir 43 ára starf

30.Apríl'19 | 22:19
2_easy_vsv_2

Benóný Þórisson, Sigurður, Þorbjörg Rósa Jónsdóttir, Sigurgeir B. Kristgeirsson og Sindri Viðarsson. Mynd/vsv.is

Sigurður Ágústsson var kvaddur með virktum í Vinnslustöðinni í dag eftir samfelldan starfsferil í fyrirtækinu frá 14. febrúar 1976 eða í 43 ár!

Vinnufélagi Sigga og vinur, Jakob Möller, var að sjálfsögðu viðstaddur kveðjustundina, enda átti hann dramatískan þátt í því að Siggi kæmi upphaflega til Vestmannaeyja frá Reykjavík og festi þar rætur. Siggi upplýsti í dag að þeir félagar hefðu fengið sér ögn neðan í því í höfuðborginni og Jakob lagt að sér að koma til Eyja á vertíð. Það varð úr og vertíðin sú stóð yfir í meira en fjóra áratugi, segir í frétt á vef Vinnslustöðvarinnar

Brjóstbirta í góðum félagsskap getur því verið bæði afdrifarík og áhrifin býsna langvarandi.

Siggi settist að í verbúðum Vinnslustöðvarinnar og bjó þar með fleiri góðu fólki, þar á meðal sjálfum Bubba Morthens, um hríð. Bubbi hvarf hins vegar á braut, enda yfirlýstur farandverkamaður en Siggi er jarðbundnari. Hann fór hvergi fyrr en verbúðunum var lokað fyrir fullt og allt.

Sigurður er hæglætismaður að upplagi. Hann skilaði verkum sínum með miklum sóma, trúr og tryggur vinnustaðnum. Það kemur ekki beinlínis á óvart að hann skuli vera bókagrúskari og bókasafnari. Nú fær hann betra næði og tíma til að sinna grúskinu.

Honum fylgja góðar kveðjur, með þökk fyrir samveru og samvinnu undanfarna áratugi, segir jafnframt í fréttinni.

 

Fleiri myndir má sjá hér.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.

Eyjar.net mælir með Skálakoti

19.Júní'20

Skammt austur af Seljalandsfossi leynist frábær hótelgisting og margvísleg afþreying. Sjón er sögu ríkari. Skálakot - þegar gera á vel við sig.

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Smáauglýsingar

Hér getur þú með einföldum hætti auglýst það sem þú þarft að koma á framfæri allt frá einum sólarhring uppí einn mánuð. Einfaldur greiðslumáti Þú greiðir fyrir auglýsinguna með kreditkorti. Verð kr. 500,- per sólarhring. Um auglýsinguna Stutt fyrirsögn, hámark 35 tákn. Hnitmiðaður texti, hámark 130 tákn. Mynd á JPG sniði, verður sköluð í 130x100 díla (pixel).