Dísa byrjuð að dýpka

22.Apríl'19 | 15:17
disa_19

Dýpkunarskipið Dísa. Ljósmynd/TMS

Eftir hádegi í dag hélt dýpkunarskip Björgunar - Dísa úr höfn í Vestmannaeyjum og var ferðinni heitið í Landeyjahöfn þar sem veður er til dýpkunar eftir brælu við Landeyjahöfn síðan í þarsíðustu viku. 

Þá er efnistökuskipið Pétur mikli einnig á leið í Landeyjahöfn í sömu erindagjörðum, en fyrir er gröfupramminn Reynir í höfninni. Bæjarstjóri Vestmannaeyja gagnrýndi Björgun harðlega í viðtali við Eyjar.net nú í morgun, en ljóst er að dýpkun hefði getað hafist í gærkvöldi.

Sjá viðtalið: „Okkur er hreinlega haldið hér í gíslingu”

Hugsanlega er um að ræða brot á samningi

G. Pétur Matthíasson upplýsingafulltrúi Vegagerðarinnar sagði í hádegisfréttum Ríkisútvarpsins að engin svör fáist um það hvers vegna ekki hafi verið byrjað að dýpka. „Nú bara vitum við það ekki við höfum reynt að ná í forsvarsmenn fyrirtækisins en það hefur ekki gengið hingað til, þannig við vitum ekki af hverju þeir eru ekki að dýpka en þeir eiga að vera að dýpka. Við þurfum að skoða það í framhaldi en hugsanlega er um að ræða brot á samningi og lítur þannig út við fyrstu sýn allavega.“

Í fyrra sigldi Herjólfur sína fyrstu ferð frá höfninni 5. mars. G. Pétur segir að staðan sé mikil vonbrigði og nú nota þurfi hvern einasta klukkutíma sem gefist til að dýpka höfnina. „Nei við erum mjög ósátt við þetta, það er langt liðið á vorið og opnun Landeyjarhafnar er mjög seint á ferð núna þannig það verður að nota hvern einasta klukkutíma sem gefst til að dýpka og við erum búin að vera að bíða eftir að veðrið gangi niður. Og eins og ég segi þá flýttum við okkar dýptarmælingu til að björgun hefði allt í höndunum til að dýpka og það strax þannig það eru gríðarleg vonbrigði að menn séu ekki að gera það núna.“

Allt fasteignir - Fasteignasalan Eldey

27.Október'17

Fasteignasalan Eldey Vestmannaeyjum. Sími: 861-8901. Arndís M. Kjartansdóttir löggiltur fasteigna-, fyrirtækja- og skipasali. Goðahrauni 1. disa@alltfasteignir.is / www.alltfasteignir.is. Söluþóknun aðeins 1,1%

Ég vil gerast félagsmaður í Krabbavörn

17.September'19

Hver félagsmaður skiptir félagið miklu máli. Ef þið hafið áhuga á að gerast félagsmenn þá endilega fyllið út eyðublaðið (smelltu hér). Krabbavörn er góðgerðarfélag sem styður við og styrkir þá félagsmenn sem greinast með krabbamein og eiga lögheimili í Vestmannaeyjum. Ár hvert leita u.þ.b. 10 nýir einstaklingar til félagsins eftir styrkjum og um 25 einstaklingar fá einhverskonar fjárstuðning frá félaginu á hverju ári. Árgjaldið er aðeins kr. 2500,-

Afmælisár Vestmannaeyjabæjar - Dagskrá

15.Apríl'19

Í ár fagnar Vestmannaeyjabær 100 ára kaupstaðarafmæli. Af því tilefni er fjölbreytt dagskrá allt árið. Hér má skoða dagskrá ársins.

Fáðu nýjustu fréttirnar beint í æð

10.September'18

Með því að fylgja Eyjar.net færðu nýjustu fréttirnar frá Eyjum beint í æð. Smelltu hér til að fara á facebook-síðu Eyjar.net.